काठमाडौं भक्तपुर नगरपालिका-९ ब्रम्हायणी टाउन प्लानिङ बस्ने डाईमण्ड कासीहवाको घरमा जुवातास खेलिरहेको अवस्थामा ३ जनालाई १ बुक तास र नगद ६ लाख २८ हजार ६ सय ६५ रुपैयाँ सहित बिहीबार साँझ प्रहरीले पक्राउ गरेको छ ।
पक्राउ पर्नेहरुमा घरधनी कासिहवा, चाँगुनारायण नगरपालिका-८ सुडाल घर भएका ४० वर्षीय राम सुन्दर खडका र सोही ठाउँस्थित झौखेल घर भएका ४५ वर्षीय प्रकाश थापा रहेका छन् ।
महानगरीय प्रहरी वृत्त जगातीबाट खटिएको प्रहरीले उनीहरुलाई पक्राउ गरेको हो । यस सम्बन्धमा प्रहरीले थप आवश्यक अनुसन्धान गरिरहेको जनाएको छ ।
