महेन्द्र सिंह
बाँके नेपालगञ्ज भारतले रुपैडिहा नाका बन्द गर्ने चर्चाका बीच आइतबार सीमावर्ती अधिकारीहरुको बैठक बस्दैछ ।
नेपाल र भारतका सीमावर्ती अधिकारीहरुको नियमित बैठक भएपनि यसपाली नाका क्षेत्रमा कोरोना भाइरसको जोखिमका बारेमा चर्चा हुने भएको हो । बर्दियाको ठाकुरद्वारामा बैठक बस्दैछ । भारतले आइतबार रातीदेखि रुपैडिहा नाका बन्द गर्ने चर्चाका बीचमा बसेको अधिकारीहरुको बैठकले एउटा सन्देश दिने विश्वास गरिएको छ ।
बाँकेका प्रमुख जिल्ला अधिकारी कुमारबहादुर खड्काले नियमित बैठक भएपनि कोरोना भाइरसका बारेमा छलफल हुने बताउनुभयो । उहाँले नाका बन्दको बास्तविकताबारेमा समेत भारतीय अधिकारीहरुसँग छलफल गर्ने बताउनुभयो । यद्यपि, नाका बन्द गर्ने र खोल्ने निर्णय केन्द्रीय सरकारले गर्छ ।
बैठकमा बाँके, बर्दिया र दाङ तथा भारतको बहराइच, श्रावस्ती र बलरामपुरका अधिकारीहरु सहभागी हुँदैछन् ।
देशैभरका औषधि थोक व्यवसायी गोलवद्ध हुँदै
पत्रकारलाई घरमै बसेर काम गर्ने वातावरण मिलाउन आग्रह
कैलालीमा एक किलो चरेशसहित प्रगति होटलका संचालक पक्राउ
कर्णालीको विकटमा कोभिड संक्रमितको उद्धारको लागि हेलिकोप्टर
कोरोना संक्रमण बढ्न थालेपछि पशुपतिका सबै मन्दिर बन्द
नाकाबाट आईसोलेशनमा लैजाने क्रममा कोरोना संक्रमित एम्बुलेन्सबाटै फरार