सागर थापा/महेन्द्र सिंह
जिल्ला ट्राफिक प्रहरी कार्यालय बाँकेले सडक लेन अनुशासन सम्बन्धि प्रशिक्षण अभियान सोमबार देखि सुरु गरेको छ । पछिल्लो समय बाँके जिल्लामा बढ्दै गएको सवारी दुर्घटनालाई न्यूनिकरण गर्न सवारी चालकहरुलाई सडक लेन सम्बन्धी जनचेतना मुलक कार्यक्रम संचालन गरिएको छ ।
नेपालगन्ज कोहलपुर सडक अलावा जिल्लाका बिभिन्न राजमार्गमा हुने सवारी दुर्घटनाका कारण मानबिय तथा भौतिक क्षती हुने क्रम बढेपछि सडक लेन सम्बन्धी चेतनामुलक कार्यक्रम संचालन गरीएको जिल्ला ट्राफिक प्रहरी कार्यालय बाँकेका ट्राफिक प्रमुख प्रहरी निरीक्षक पबिन्द्र बमले जानकारी दिनुभएको छ ।
बाँके ट्राफिक प्रहरीले नेपालगंज उपमहानगर पालिका वडा न. २० स्थित कोहलपुर नेपालगंज सडक खण्ड अन्र्तगत राझा चोकमा सवारी दुर्घटना न्युनिकरण गर्ने उद्देश्यले ४१० जना सवारी चालक परिचालक तथा सडक प्रयोगकर्ता हरुलाई सचेतना गराइएको थियो ।
बाँके ट्राफिक प्रमुख प्रहरी निरीक्षक बमले पहिलो चरणमा चालक, सहचालक र पैदल यात्रुहरुलाई लेन सम्बन्धी सचेतनामुलक कार्यक्रम गर्ने र दोस्रो चरणमा सचेतनाका साथै सडक लेन सम्बन्धी नियम पालना नगरेको खण्डमा जरीवाना समेत गरिने बाँके ट्राफिक प्रमुख बमले बताए ।

सम्बन्धित

फार्मेसी अधिकृत २ लाख घूससहित अख्तियारको नियन्त्रणमा

बाँकेको राँझा विमानस्थलमा आपतकालीन पूर्वअभ्यास सुरुहुने

बर्दिया सशस्त्र प्रहरीले लाखौं मूल्यको अवैध सामाग्री पक्राउ

बाँके प्रहरीले १० किलो हात्तीको दाँतसहित एकजना पक्राउ

कायर होर हामीले राजीनामा दिने शिक्षामन्त्री : श्रेष्ठ

मालपोत कार्यालय चितवनका लेखा अधिकृत किर्ते दस्तखतमा पक्राउ