कोरोना भाइरसको जोखिम उच्च रहेको बेला सरकारले सिनेमा हल, खेलस्थल, जिम, डान्स बार बन्द गर्ने लगायतका निर्णय गरेको छ। बुधबार सिंहदरबारमा उपप्रधान एवं रक्षामन्त्री ईश्वर पोखरेलको नेतृत्वमा बसेको कोभिड–१९ रोकथाम तथा नियन्त्रण उच्च स्तरीय समन्वय समितिको बैठकले ३० अप्रिलसम्म लाई बन्द गर्ने निर्णय गरेको हो। पार्टि प्यालेस, सांस्कृतिक कार्यक्रम, मठमन्दिर लगायत धार्मिक कार्यहरूमा २५ जना भन्दा बढी व्यक्ति एकै ठाउँ बस्न सरकारले रोक लगाएको छ। त्यस्तै पश्चिम एसिया लगायत खाडी क्षेत्रका मुलुकहरू इरान, टर्की, मलेसिया, जापान, दक्षिण कोरिया र यूरोपका सबै मुलुकबाट आउने यात्रुलाई प्रतिबन्ध लगाइएको छ। साथै ती मुलुकलाई ट्रान्जिट बनाई अन्य जुनसुकै मुलुकबाट आउने सबै यात्रुलाई २० मार्च रातिबाट लागुहुने गरी १५ अप्रिलसम्म मुलुक प्रवेशमा रोक लगाइएको छ। सर्बसाधारणहरुमा कोरोना भाइरसबारे भ्रम फैलाउनेलाई समेत सरकारले कारबाही गर्ने निर्णय गरेको छ। यस्ता छन सरकारका निर्णय !
