दाङको खांग्रामा शसस्त्र प्रहरीको सिमा सुरक्षा बल स्थापना

प्रकशित मिति : ६ चैत्र २०७६, बिहीबार ०७:५७

(सागर थापा )सरकारले नेपाल र भारत सिमा क्षेत्रमा थप एक सय १४ ओटा सिमा सुरक्षा बेस वल स्थापना गर्ने निर्णय गरे आनुसार दाङको राजपुर गाउँपालिका ६ खांग्रामा नेपाल सशस्त्र प्रहरीको सिमा सुरक्षा बेस क्याम्प स्थापना गरिएको हो ।
सशस्त्र प्रहरी बल ५ नम्बर प्रदेश प्रमुख प्रहरी नायब महानिरीक्षक डिआईजी नारयणदत्त पौडेल र एवंम दाङका प्रमुख जिल्ला अधिकारी गोबिन्द प्रसाद रिजालको उपस्थितिमा सिमा सुरक्षा बेस क्याम्पको स्थापना गरिएको हो । उक्त क्याम्पमा सशस्त्र प्रहरी निरिक्षक रुपचन्द्र थापाको नेतृत्वमा ४५ जनाको टोली खटिएको छ ।
कपिलबस्तु र बाँकेको ८३ किलोमिटर दुरी दाङको भूभाग भारत सँग जोडिएको छ । यस अघि गढवा गाउँपालिका ६ कोइलावास र राजपुर गाउँपालिका ७ सुनपाथी नाकामा सशस्त्रको सुरक्षा क्याम्प बसेको थियो । साथै दाङकोे १३ स्थानमा नयाँ सिमा सुरक्षा क्याम्प स्थापनाको प्रस्ताव गरिएको छ ।
जसमध्ये पटौली, गुरुङ, भैसाह,भौवा, सिरिया,भौरीसाल, मुसीनाका,डगमारा नाकामा सशस्त्र प्रहरीको सिमा सुरक्षा क्याम्प स्थापनाको प्रस्ताव गरिएको र आउँदो वर्ष त्यो ठाउँको अध्ययन गरेर थप निर्णयमा पुगिने दाङका प्रमुख जिल्ला अधिकारी रिजालले बताउनुभयो ।
नेपाल प्रहरीको सूचि अनुसार नेपाल भारत सिमामा ३५ वटा नाकाहरु रहेका छन् भने अहिले ६ वटा नाकामा नेपाल प्रहरीकामे सुरक्षा दिंदै आएको छ ।

प्रकशित मिति : ६ चैत्र २०७६, बिहीबार ०७:५७