कपिल लामिछाने
दाङ तुलसीपुर उपमहानगरपालिका वडा नं १८ मा रहेकाे कात्तिके सामुदायिक रानीवनबाट करिव १३१ क्यु फिट सालका काठ बरामद गरिएकाे छ ।
आज बिहान करिव ६ बजेतिर स्थानियले काठ लैजादै गरेकाे ट्याक्टर हिलाेमा गाडिएकाे देखेपछि वन समितिलाई जानकारी गराएका थिए । खबर पाए सँगै लगत्तै पुगकाे समितिका पदाधिकारीहरुले सव-डिभिजन कार्यालय बिजाैरीलाई खबर गरेकाे थियाे । रा १ त ११७७ नं काे ट्याक्टरबाट ढुवानी गरिदै गरेकाे सालका काठ बरामद भएपछि चाेरी गर्ने गिराेहकाे बारेमा अनुसन्धान हुने र फरार भएकाहरुलाई छिट्टै कानुनी दायरामा लिई वन ऐन अन्तर्गत सजाय हुने बिजाैरी सव-डिभिजन कार्यालयका सहायक वन अधिकृत कमल प्रसाद पुनले जानकारी दिनुभयाे ।
अहिले काठमा टाँचा लगाएर ट्याक्टर र काठ बिजाैरी सव-डिभिजन कार्यालयमा लग्ने र दाेषीकाे पहिचान गरि कार्वाही प्रकृया अघि बढाउने तयारी भएकाे रेन्जर ईश्वरी बहादुर बस्नेतले बताउनु भयाे । ट्याक्टर कसकाे नाममा दर्ता भएकाे भन्ने बारेमा यातायात कार्यालयमा संग समन्वय गरि चाेरी कार्यमा संलग्न भएका ब्यक्तिकाे पहिचान गरिने समेत सहायक वन अधिकृत कमल प्रसाद पुनले बताउनु भयाे ।।
