कपिल लामिछाने
बिश्वब्यापी रुपमा महामारीको रुपमा फैलिएको (कोभिड १९) कोरोना भाइरसका कारण बिश्व आक्रान्त बनिरहेको यो परिपेक्षमा नेपालमा कोरोना भाइरस रोकथामका लागी संघिय सरकार, प्रदेश सरकार र स्थानिय सरकारहरुले सम्पुर्ण जनताहरुमा नआत्तिन र यो रोग लाग्न नदिनका लागी बिभिन्न उपायहरु अबलम्बन गर्दै सबै नागरिकहरुलाई सचेत बनाउन बिभिन्न किसिमका अभियानहरु सञ्चालन गर्दै आइरहेका छन् । यसै सन्र्दभमा तुलसीपुर उपमहानगरपालिका वडा नं १८ ले पनि कार्यालयमा आउने सम्पुर्ण आम सेवाग्राहीहरुको स्वास्थ्यलाई मध्यनजर गर्दै कार्यालयमा आउनु अघि साबुन पानीले हात धोएर मात्रै कार्यालय भित्र आउनहुनका लागी साबुन पानीले हात धुने अभियानको सुरुवात गरेको हो । तुलसीपुर उपमहानगरपालिका वडा नं १८ का वडा अध्यक्ष माधव वलीका अनुसार सम्पुर्ण सेवाग्राही, वडाबासीहरुको स्वास्थ्यमा कुनैपनि किसिमको प्रभाव नपरोस् भनि शुक्रबारबाट कार्यालयको बाहिर ठुलो ड्राममा पानी राखी साबुन पानीले हात धोएर मात्रै कार्यालयमा आउन सबै वडाबासीहरुलाई जानकारी गराएको भन्दै यो अभियानले आम वडाबासीहरुमा केहि भएपनि राहत हुने र रोग लाग्नबाट बचाउन सकिने कुरा उल्लेख गर्नुभयो । साथै यो सेवा नगरस्वास्थ्य केन्द्र हेमन्तपुरमा पनि लागु हुने र यसले आम बिरामीहरुलाई फाईदा पुग्ने नगरस्वास्थ्य केन्द्रका प्रमुख डिल्लीराज शर्माले जानकारी दिनुभयो ।

सम्बन्धित

SP अधिकारीको सफलता महिलाको हत्या गरि अंग बेच्ने ६ जना पक्राउ

भेरी अस्पतालमा बिरामीको चाप धेरै १२७ लाई कोरोना पुष्टि

कर्णाली प्रदेशका मुख्यमन्त्री शाही नेतृत्वको सरकार जोगियो

नयाँ ट्राफिक प्रहरी पोष्ट बर्दघाटको नवनिर्मित भवनको उदघाटन

बाँकेको भेरी अस्पतालमा उपचाररत ४९ कोरोनाको अवस्था गम्भीर

मास्क लगाउ अभियान लिएर बाँकेका सुरक्षा प्रमुखहरु सडकमा