प्रकशित मिति : ८ चैत्र २०७६, शनिबार १८:००

कोरोना कहर : मुख्य नाकामा कडा जाँच, नजिकैको चोर बाटोबाट खुल्ला ओहोर-दोहोर
नेपाल सरकारले नेपालगन्जको जमुनाह नाकालाई पुर्ण रुपमा बन्द गर्न नसक्दा अहिले चोरबाटो भएर सिमा वारी र पारीबाट ओहोर दोहोर गर्नेको भिड लागेको छ ।
मुख्य नाका जमुनाहमा नेपालगन्ज उपमहानगरपालिका स्वास्थ्य शाखाले स्थापना गरेको हेल्थ डेस्कमा भारतबाट नेपाल प्रवेश गर्ने यात्रुहरुको चेकजाँच भएपनि नाकाको नजिकै रहेका पुर्बतिरका बाटो भएर खुल्लमखुल्ला बिना चेकजाँच वारीपारी गर्नेको भिड भने अहिले थेगी नसक्नुको रहेको छ ।
जमुनाह नाकाको पुर्वतर्फ लगभग डेढ किलोमिटरको दुरी भित्र तिनवटा बाटा छन, त्यहाँ सुरक्षाकर्मीको उपस्थिति नहुदा अहिले साइकल, रिक्सा, मोटरसाइकल र पैदल यात्रु खुल्ला रुपमा ओहोर दोहोर गरिरहेका छन । ओहोर दोहोर गर्नेमा प्राय: नेपालगन्जका उद्योग कलकारखानामा काम गर्ने भारतीय सिमाक्षेत्रका मजदुर र सामान क्यारिङ्ग गर्नेहरु रहेको पाइएको छ ।
दुई देशका सुरक्षा अधिकारीद्वारा स्थलगत अनुगमन:
शनिबार बिहान रिपोर्टिङका लागि जमुनाह पुगेका नेपालगन्जका केही संचारकर्मीहरुले त्यहाँको बारेमा नेपालगन्जका सुरक्षा अधिकारीहरुलाई जानकारी गराएपछी नेपाल तथा भारतका सुरक्षा अधिकारीहरुले ती बाटोहरुको स्थल अनुगमन गरेका छन ।
जमुनाह प्रहरी चौकीका ईन्चार्ज माधव रिजाल, शसस्त्र प्रहरी वल राजश्व तथा भन्सार गस्ती नम्बर ४० गुल्मका प्रमुख शसस्त्र प्रहरी नायब उपरीक्षक नबराज बोहरा, भारत लखिमपुरका एसएसबी डिआइजी अभिषेख पाठक, अगैयाका बटालियन कमान्डर एसपी प्रबिण कुमार लगायको टोलीले स्थलगत अनुगमन गरेको हो ।
स्थलगत अनुगमन पश्चात् नेपालका सुरक्षा अधिकारीहरुले अब ती बाटोहरु बन्द गर्नका लागि नेपाली सुरक्षाकर्मी परिचालन गरिने बताए ।


सम्बन्धित

दर्ता विवरण

सूचना विभाग दर्ता नंः १३२५/०७५/७६

Twitter

Contact

सम्पादक – नुकेन्द्र प्रताप सिंह-
सम्पर्क-9848262615
संचालक – सागर थापा
सम्पर्क – 9847845918
email- [email protected]

Copyright © 2015-2021 AbcSanchar.com