१५ जेठ २०८१, मंगलबार
28-05-2024 , Tue
×

चिनबाट आवश्यक स्वास्थ्य सामग्री बिमान नेपाल आउदै…

Logo
प्रकाशित मंगलबार, चैत्र ११, २०७६

काठमाडौं नेपाललाई कोरोना भाइरस (कोभिड-१९) को संक्रमण संग जुध्न चाहिने आवश्यक सामाग्री सहित चिनियाँ बिमान आज नेपाल आउने भएको छ ।
विश्वव्यापी महामारी बनिसकेको कोरोना भाइरस (कोभिड-१९) को संक्रमण नियन्त्रण गर्न चीन सरकारले नेपाल सरकारलाई आवश्यक स्वास्थ्य सामग्री बिमान मार्फत पठाउन लागेको हो । चीनको ग्वान्जाउबाट सहायता सामग्री सहितको विमान काठमाडौं तर्फ आउन लागेको हो। चीनको राष्ट्रिय ध्वजावाहक चाइना साउदर्न एयरलाइन्सले आवश्यक सामाग्री तथा उपकरण बोकेर नेपाल आउने भएको हो।आजको समाचार पत्रमा खबर छ ।
नेपाल सरकारले आफूसँग कोरोना भाइरसविरुद्ध पर्याप्त औषधि तथा उपकरण नभएको जानकारी गराएपछि चीन सरकारले उक्त सामग्री सहितको विमान काठमाडौं पठाउन लागेको हो। नेपालले चीनसँग १९ थरी स्वास्थ्य सामाग्री मागेको छ जसमा मोबाइल एम्बुलेन्स, मास्क, थर्मोमिटर देखि कोरोना भाइरस जाँच्ने किट सम्मका सामाग्रीहरु छन्। परराष्ट्र मन्त्रालयका अनुसार उक्त विमान मंगलबारसम्म काठमाडौं विमानस्थलमा उक्त बिमान अवतरण गर्ने छ।
त्यस्तै नेपाल सरकारले भारतसँग पनि १६ थरीको स्वास्थ्य सामाग्री मागेको छ तर भारतले भने आफैँ कोरोना भाइरससँग जुधिरहेकाले उक्त सामाग्रीहरु दिने नदिने टुंगो गर्न सकेको छैन।
चीनले गत डिसेम्बरदेखि वुहानबाट फैलिएको कोरोना भाइरसको महामारी आफ्नो देशमा नियन्त्रण भगरिसकेको छ। चीनले अहिले इटाली, स्पेन, सर्बिया जस्ता देशमा आफ्नो सहयोग केन्द्रित गरेको छ। त्यहाँ औषधि र मास्क बोकेका जहाज र चिनियाँ स्वास्थ्यकर्मी सहितको टोली धमाधम पठाएको छ।

कमेन्ट गर्नुहोस्
सम्बन्धित

(ABC-Sanchar) काठमाडौँ । नेपाली सेनाले सञ्चालन गर्दै आएको बङ्करदेखि ब्यारेक कार्यक्रमका लागी सरकारले १ अर्ब ५० करोड विनियोजन गरेको छ । सो कार्यक्रमका सञ्चालन गर्न आर्थिक वर्ष २०८१–०८२ का लागी १ अर्ब ५० करोड विनियोजन गरेको अर्थमन्त्री वर्षमान पुनले बजेट भाषणमार्फत जानकारी गराएका छन् । नेपाली सेनालाई प्रविधियुक्त र व्यावसायिक बनाइने अर्थमन्त्रीले बताए । सेनाले […]

(ABC-Sanchar) काठमाडौँ । बजेट भाषणबाट कर्मचारी निराश भएका छन् । आगामी आर्थिक वर्षको बजेट भाषणमा सरकारले कर्मचारीको तलब नबढाउने निर्णय गरेको हो । यस्तै सरकारले वृद्धवृद्धा र एकल महिला लगायतले पाउँदै आएको सामाजिक सुरक्षा भत्ता पनि बढेन । तर, अर्थमन्त्री वर्षमान पुनले सामाजिक सुरक्षा भत्तालाई निरन्तरता दिइएको बताए ।

(ABC-Sanchar) काठमाडौं । सरकारले आगामी आर्थिक वर्षमा ५ लाख परिवारलाई जग्गाधनी प्रमाण पुर्जा उपलब्ध गराउने भएको छ । सरकारले आगामी आर्थिक वर्षको बजेट भाषणमा भूमिसम्बन्धी समस्या समाधान आयोगमार्फत ५ लाख परिवारलाई जग्गाधनी प्रमाण पुर्जा उपलब्ध गराउने घोषणा गरेको हो ।