जनकपुर सरकारले घोषणा गरेको लकडाउन उलंघन भएपछि सप्तरीका विभिन्न ठाउँमा सेना परिचालन गरिएको छ। कोरोना भाइरसको संक्रमण फैलिन नदिन सरकारले सोमबारदेखि देशभर लकडाउन गर्ने निर्णय गरेको थियो। सरकारको निर्णय कार्यान्वयन गराउन प्रहरीले नसकेपछि सप्तरीमा सहयोगका लागि नेपाली सेनालाई सडकमा उतार्नुपरेको हो। प्रदेशको अस्थायी राजधानी जनकपुरधाममा अघिपछिको भन्दा भीड कम भए पनि सर्वसाधारण घरबाट बाहिर आउन छाडेका छैनन्। फाटफुट पसलहरु पनि सञ्चालनमै छन्। मुख्य सडकदेखि अन्य बजार क्षेत्र भएर मान्छेहरु आवत–जावत गरिरहेका छन्। त्यस्तै, सिरहाको लाहानमा गुद्री हटिया बन्द गर्न नमान्दा प्रहरी परिचालन गरेर बन्द गराइएको छ भने सप्तरी सदरमुकाम राजविराजसहितका ठाउँमा बिहानैदेखि सुरक्षाकर्मी परिचालन गरिएको छ। प्रहरीको संख्या अपुग भएको भन्दै सेनालाई पनि खटाइएको जिल्ला प्रशासन कार्यालय सप्तरीले जनाएको छ। संक्रमणबाट बच्न घरबाहिर ननिस्किन गरेको आग्रह अटेरी गरिरहे प्रदेश २ मा कर्फ्यू नै लगाउने मनस्थितिमा स्थानीय प्रशासन पुगेको छ। बिहानैदेखि सरकारको निर्णयको उल्लंघन भइरहेको भन्दै प्रदेश २ का प्रहरी प्रमुख डीआईजी प्रधुम्न कार्कीले यस्तै अवस्था रहे कर्फ्यू लगाउनुपर्ने पनि हुनसक्ने बताउनुभयो।

सम्बन्धित

दाङको कोइलाबास बजारमा हावाबाट बिजुली उत्पादनको परीक्षण सफल

कर्णालीको चिसापानी पुलबाट हाम फालेर एक किशोर बेपत्ता एक घाइते

पुर्व प्रधानमन्त्री प्रचण्ड पत्नी सिता दाहालको अवस्था अति गम्भीर

नेपालमा गैँडाको सङ्ख्या ७५२ पुग्यो ५ बर्षमा १०७ गैंडा बढेको तथ्यांक

कैलालीको अबरुद्ध राजमार्ग सडक खुल्यो मृतकका आफन्तबीच सहमतिपछि

बाँके प्रहरीले ब्राउन सुगरसहित एकजना पक्राउ