जनता कर्फ्यु उलंघन गरे प्रहरीले पैदल यात्रीलाई पक्राउ गर्ने

प्रकशित मिति : १२ चैत्र २०७६, बुधबार ०८:३६

(सागर थापा)
जिल्ला प्रहरी कार्यालय दाङले जनता कर्फ्युकाे दोस्रो दिन सडकमा आउने पैदल यात्रीलाई पनि पक्राउ गर्ने भएको छ । विश्वव्यापी महामारीको रुपमा फैलिएको कोरोना भाइरस कोभिड–१९ को संक्रमण रोक्नका लागि सरकारले गरेको जनता कर्फ्युको उल्लंघन गरि सडकमा आउने नागरिकलाई प्रकाउ गर्ने जिल्ला प्रहरी कार्यालय दाङले जनाएको छ । जनता कर्फ्युको पहिलो दिन मंगलबार जिल्लाका विभिन्न स्थानहरुमा नागरिक सडकमा देखिएको भन्दै दोस्रो दिन बुधबार पनि अटेरी गरि सडकमा आउने नागरिकलाई नियन्त्रणमा लिएर कानुन अनुसार कारवार्ही गरिने जिल्ला प्रशासन कार्यालय दाङका प्रमुख जिल्ला अधिकारी गोबिन्द रिजाल एवंम जिल्ला प्रहरी कार्यालय दाङका प्रहरी प्रमुख एसपी जनक भट्टराईले लगाएत जिल्लाका सुरक्षा निकायका प्रमुखहरु सडकमा खटेर
जनता कर्फ्युको पहिलो दिन सडकमा चल्ने सवारी साधनसङ्गै नागरिकलाई पनि सचेत गराएका छन । दाङ प्रशासनले दोस्रो दिन अत्यावश्यक काम बाहेक सडकमा आउने जो कोहीलाई पनि कार्वाही गर्ने बताएको छ ।
कानुनी व्यवस्था अनुसार प्रहरीले जनता कर्फ्यु उलंघन र अटेरी गर्ने नागरिकलाई १०० रुपैयाँ जरिवाना वा एक महिना कैद वा दुबै सजाय गर्न सक्छ ।
कोरोना भाइरसको संभावित जोखिमबाट बच्नका लागि सरकारले गरेको जनता कर्फ्युलाई पालना गर्न समेत सवै नागरिकलाई आग्रह गरेको छ।
तेस्तै उनले जनता कर्फ्युको समयमा सवारीसाधन पनि नचलाउन आग्रह गरेका छन् ।
पहिले दिन सवारीसाधनलाई नियन्त्रणमा लिएर चालकहरुलाई पुन गल्ती नदोह्राउन सचेत गराएको भन्दै दोस्रो सवारीसाधन चलाउनेलाई कानुन अनुसार कारवार्ही गर्ने चेतावनी दिएका छन ।
जनता कर्फ्युमा पत्रकार एम्बुलेन्स, पानी, दुध, ग्यास, तेल लगायत बोक्ने सवारीसाधनलाई भने निर्वाध रुपमा चल्न दिने बताएका छ्न ।

प्रकशित मिति : १२ चैत्र २०७६, बुधबार ०८:३६