दाङमा जनता कर्फ्यु उलंघन गर्ने ३ जना प्रहरीको नियन्त्रणमा

प्रकशित मिति : १२ चैत्र २०७६, बुधबार २१:११

(सागर थापा)
दाङमा जनता कर्फ्यु उलंघन गर्ने तीन जनालाई दाङ प्रहरीले नियन्त्रणमा लिएको छ । जिल्ला प्रहरी कार्यालय दाङले सूचनालाई उलंघन गरेको भन्दै तीन जनालाई नियन्त्रणमा लिएको जिल्ला प्रहरी कार्यालय दाङका प्रहरी प्रबक्ता डिएसपी सुमित खड्काले जानकारी दिनुभएको छ ।
जनता कर्फ्युको उलंघन गरेको विभिन्न स्थानबाट दाङ प्रहरीले २ सय ५६ अोटा सवारी साधानलाई नियन्त्रणमा लिएको छ । विश्वव्यापी रुपमा फैलिएको कोरोना भाइरस संक्रमण रोक्नका लागी जनता कर्फ्यु लगाएको हो ।
जनता कर्फ्युको दोस्रो दिन जिल्लाका विभिन्न स्थानबाट प्रहरीले सवारीसाधन सँगै ३ जना व्यक्तिलाई पनि नियन्त्रणमा लिएको छ ।
बिहीबार देखि झनै कडाइ गरिने दाङ प्रहरीले बताए छन् । अनावश्यक बाटोमा हिड्ने पैदलयात्री र साइकल यात्रीलाई छुट दिए पनि बिहीबार देखि पक्राउ गरि कानुन बमोजिम मुद्दा चलाई १ महिना देखि ६ महिना सम्म कैद गर्ने नियममा रहेको छ ।