दुधौली नगरपालिका१गिचियानीमा गएराति हात्तीको आक्रमणबाट स्थानीय ५० वर्षीय देवु धामी र उनकी श्रीमती ४१ वर्षीय फुलवती धामी घाइते भएका हुन्।
घाइते दुबैलाई उपचारका लागि डकाहामा रहेको आमा मेमोरियल अस्पताल लगिएको स्थानीयवासी तीर्थ बरालले जानकारी दिए।
राति घरमै सुतेको बेला हात्तीले घर भत्काई उनीहरुलाई सुँढले तानेर फाल्दा घाइते भएका हुन्। देवुको टाउकोमा र फुलवतीको खुट्टामा चोट लागेको छ।
हात्तीले घर पूर्णरूपमा क्षति गरेको छ। विगतमा समूहमा आबद्ध भई हात्तीबाट जोगिन र हात्तीको गतिविधि नियाल्ने गरेको भए पनि यस वर्ष कति हात्ती आए भन्नेसमेत थाहा नभएको उनले बताए।
कोरोनाको त्रासका कारण सबै घरमा बस्नुपर्ने अवस्था छ। यसमा हात्तीको समेत त्रास थपिँदा आफूहरु दोहोरो त्रासमा परेको स्थानीयले बताएका छन्।
