प्रकशित मिति : १४ चैत्र २०७६, शुक्रबार १०:१३

गैरआवासीय नेपाली संघ दक्षिण कोरियाले कोरोना भाइरस (कोभिड–१९) संक्रमण भए नभएको जाँच गर्न प्रयोग हुने दुई हजार किट्स नेपाल सरकारलाई सहयोग गर्ने भएको छ।
किट्स प्रदान गर्ने कम्पनी डोगेनसँग दुई हजार प्रतिको सम्झौता भएको एनआरएनए कोरियाले जनाएको छ। त्यसका लागि एनआएनए कोरियाले त्यहाँ रहेका नेपालीसँग सहयोग संकलन अभियानसमेत थालेको छ। प््रति किट्सको मूल्य २० हजार कोरियाली वन अर्थात् २ हजार रुपैयाँ पर्ने बताइएको छ। त्यसका लागि ४० लाख रुपैयाँ लाग्ने भएपछि त्यहाँ रहेका नेपालीहरुले एक किट्स बराबरको रकम सहयोग गर्न एनआएनए कोरियाले जनाएको छ।
एनआएनए कोरियाका अध्यक्ष यज्ञराज सुवेदीले भने, ‘कोरोना भाइरसका कारण मातृभूमि नेपालले जुन विषम परिस्थिति भोग्नुपरेको छ, त्यसका लागि सहयोग गर्न कोरियावासी सम्पूर्ण नेपालीहरुमा अनुरोध गर्दछु।’
उक्त किट्स कोभिड–१९ को संक्रमणको शंका भएकका बिरामीमा हो होइन भन्ने पुष्टि गर्न प्रयोग हुन्छ। दक्षिण कोरियामा झण्डै ६० हजार नेपाली विभिन्न स्थानमा बसोबास गर्छन्। हालसम्म त्यहाँ रहेका नेपालीलाई कोरोना संक्रमण भेटिएको छैन।


सम्बन्धित

दर्ता विवरण

सूचना विभाग दर्ता नंः १३२५/०७५/७६

Twitter

Contact

सम्पादक – नुकेन्द्र प्रताप सिंह-
सम्पर्क-9848262615
संचालक – सागर थापा
सम्पर्क – 9847845918
email- [email protected]

Copyright © 2015-2021 AbcSanchar.com