प्रकशित मिति : १४ चैत्र २०७६, शुक्रबार १९:४५

पत्रकार महासंघ काठमाडौं नेपाल पत्रकार महासंघले इटहरी उपमहानगरपालिकाका मेयर द्वारिकलाल चौधरीको पछिल्लो अभिव्यक्तिलाई निन्दनीय र दुःखद भनेको छ । महासचिव रमेश विष्टले विज्ञप्ति जारी गर्दै उनको अभिव्यक्तिलाई निन्दनीय बताउनु भएको हो । विज्ञप्तिमा भनिएको छ, ‘इटहरीबाट प्रसारण हुने एरिना टेलिभिजनको कार्यक्रमका लागि पछिल्लो समय विश्वभर महामारीको रुपमा फैलिएको कोरोना भाइरस (कोभिड १९) का सम्बन्धमा प्रत्यक्ष कुराकानी गर्न खोज्दा इटहरीका मेयर द्वारिकलाल चौधरीले टेलिभिजनमा कार्यरत सञ्चारकर्मी राजन कट्वालमाथि अपशब्द प्रयोग गरेको घटनाप्रति नेपाल पत्रकार महासंघको गम्भीर ध्यानाकर्षण भएको छ ।’ कोरोना भाइरस (कोभिड १९)को संक्रमणलाई मध्यनजर गर्दै मुलुक यतिखेर लकडाउनको अवस्थामा रहेको बताउँदै विज्ञप्तिमा भनिएको छ, ‘यस्तो परिस्थितिमा सम्भावित जोखिमको ख्याल नगरी आफ्नो पेशागत कर्ममा जुटेका पत्रकारलाई सही र सहजढंगबाट सूचना उपलब्ध गराउने वातावरण बनाउनु पर्नेमा जिम्मेवार पदमा बसेका व्यक्तिबाट यस्तो कार्य हुनु आफैंमा निन्दनीय र दुःखद् विषय हो ।’ विज्ञप्तिमा महासंघले संविधानले सुनिश्चित गरेको पत्रकारको अधिकारको सम्मान गरी स्वतन्त्र, सुरक्षित र निर्वाधरुपमा काम गर्ने वातावण निर्माण गर्न सम्बन्धित निकायसँग माग गरेको छ


सम्बन्धित

दर्ता विवरण

सूचना विभाग दर्ता नंः १३२५/०७५/७६

Twitter

Contact

सम्पादक – नुकेन्द्र प्रताप सिंह-
सम्पर्क-9848262615
संचालक – सागर थापा
सम्पर्क – 9847845918
email- [email protected]

Copyright © 2015-2021 AbcSanchar.com