बैतडीसंँग सीमा जोडिएको भारतको झुुलाघाटमा चार दिनदेखि अलपत्र १८६ जनाको उद्धार गरिएको छ। लकडाउनपछि मंगलबारदेखि सीमानाका झुुलाघाटमा अलपत्र सुदूरपश्चिमका विभिन्न जिल्लाका नागरिकको शुुक्रबार मध्यराति उद्धार गरिएको स्वास्थ्य कार्यालय बैतडीका प्रमुख योगेशप्रसाद भट्टले जानकारी दिनुुभयो। उद्धार गरिनेमा बैतडीका विभिन्न स्थानीय तहका साथै बझाङ र डडेल्धुराका नागरिक छन् । उनीहरुलाई क्वारेन्टाइनमा राख्ने गरी सम्बन्धित स्थानीय तहको जिम्मा लगाइएको उहाँले बताउनुुभयो। यसअघि शुक्रबार झुुलाघाटमा अलपत्र नेपाली नागरिकको उद्धार भएन भन्ने शीर्षकको समाचार राष्ट्रिय समाचार समितिबाट विभिन्न सञ्चारमाध्यममा प्रसारण तथा प्रकाशन भएको थियो। सोही समाचारपछि जिल्ला प्रशासन कार्यालय बैतडीले अलपत्र नागरिकको उद्धारका लागि पहल गरेको हो। भारतको पिथौरागढका डिएमलाई अनुरोध गरेपछि अलपत्र नेपालीको उद्धार भएको बैतडीका प्रमुुख जिल्ला अधिकारी आनन्द पौडेलले जानकारी दिनुुभयो । उद्धार गरिएका नागरिकलाई अनिवार्य रुपमा क्वारेन्टाइनमा बस्न अनुुरोध गरिएको छ। ४५४ शय्याको क्वारेन्टाइन स्वास्थ्य कार्यालय बैतडीको तथ्यांक अनुसार जिल्लाका १० वटै स्थानीय तहमा गरि ४५४ शय्याका क्वारेन्टाइन स्थापना गरिएका हुन् । स्थानीय तहहरुले क्वारेन्टाइन बनाएर भारत तथा अन्य मुलुकबाट आएका नागरिकलाई बस्न भन पनि क्वारेन्टाइनमा बस्न नमानेको पाइएको छ। बैतडी जिल्लाभरि हालसम दुई शिशुसहित ५८ जना मात्र क्वारेन्टाइनमा बसेका छन् । स्वास्थ्य कार्यालयको तथ्यांकअनुसार जिल्लाका चार स्थानीय तहमा एक जना पनि क्वारेन्टाइनमा नबसेको देखिएको छ । चेतनाको कमीले क्वारेन्टाइनमा बस्न नमानेको जिल्ला अस्पताल बैतडीका डा वसन्तराज जोशीले बताउनुभयो ।
काठमाडौंमा प्रचण्ड र माधव पक्षको मसला जुलुस
पाटेबाघलाई कारले ठक्कर दिने चालक धरौटीमा रिहा
चितवन प्रहरीले एकै दिन २५ जना फरार अभियुक्तहरु पक्राउ
नेकपा विप्लवद्वारा माघ १० गते नेपाल बन्दको घोषणा
पुल निर्माणको लागि तातोपानी नाका २० दिनका लागि बन्द
झापाका १५ वटै स्थानीय तह झलमल बल्न समृद्ध बन्दै