प्रकशित मिति : १८ चैत्र २०७६, मंगलवार ०९:५५

सागर थापा
दाङ घोराही बजार आज रातीदेखि बन्द हुने भएको छ । लकडाउनको समयमा तीन घण्टाको समय खाद्यान्न र तरकारी खरिदका लागि स्थानीय प्रशासनले ब्यबस्था गरेको भए पनि बन्द हुने भएको हो ।
दैनिक रुपमा आबश्यक पर्ने उपभोग्य बस्तु अब फोन मार्फत घरमै उपलब्ध गराउने ब्यबस्था गरिएको छ । त्यसका लागि दाङ जिल्ला उद्योग बाणिज्य संघले घर-घरमा खाद्यान्न पु¥याउने भएको छ ।
घोराही बजारको मुख्य क्षेत्रका रहेका घोराही १४ र १५ को क्षेत्रलाई लक्षित गरेर यस्तो निर्णय गरिएको हो । घोराही उपमहानगरपालिका १४ को बिपत व्यबस्थापन समितिको बैठकले यस्तो निर्णय गरेको हो । समितिका संयोजक एवं वडाध्यक्ष शक्तिराम डाँगीको अध्यक्षतामा बसेको बैठकले यस्तो निर्णय गरेको हो ।
स्थानीय जनप्रतिनीधि, उद्योगी, ब्यबसायीको सहभागीतामा यस्तो निर्णय भएको हो । बैठकमा नगर प्रमुख नरुलाल चौधरी, वडाध्यक्ष रमेशकुमार पाण्डे, नेपाल उद्योग बाणिज्य महासंघ प्रदेशका उपाध्यक्ष हेमराज बन्जाडे, दाङ जिल्ला उद्योग बाणिज्य संघका अध्यक्ष नारायण भुषालसहित राजनितिक दल र बिभिन्न सरोकारवालाको बैठकले यस्तो निर्णय गरेको हो ।
कोरोना भाइरसको संक्रमण फैलन नदिन र बच्नका लागि अपनाइएको उक्त व्यबस्थालाई सहजीकरण गर्न वडा नम्बर १४ को कार्यालयलाई जिम्मेवारी दिइएको छ । दैनिक उपभोग्य बस्तुको प्राप्तीका लागि दाङ जिल्ला उद्योग बाणिज्य संघको फोन नम्बर ०८२ ५६००६३ मा फोन गर्नुपर्ने छ ।


सम्बन्धित

दर्ता विवरण

सूचना विभाग दर्ता नंः १३२५/०७५/७६

Twitter

Contact

सम्पादक – नुकेन्द्र प्रताप सिंह-
सम्पर्क-9848262615
संचालक – सागर थापा
सम्पर्क – 9847845918
email- [email protected]

Copyright © 2015-2021 AbcSanchar.com