भाडामा बसेकालाई छोड्न दबाब दिए कार्वाही हुने सिडियो:रिजाल

प्रकशित मिति : २० चैत्र २०७६, बिहीबार ११:००

(सागर थापा) जिल्ला प्रशासन कार्यालय दाङका प्रमुख जिल्ला अधिकारी गोविन्द रिजालले देशमा विपद्को बेला मानवीय सेवामा संलग्न स्वास्थ्यकर्मीहरुलाई घरबाट निकाल्न दबाब दिए जोकोहीलाई पनि कारबाही गर्ने चेतावनी दिनु भएको छ ।
दाङ सिडियो रिजालले एक विज्ञप्ति जारी गर्दै केही घरधनीले कोरोनाको कारण देखाउदै स्वास्थ्यकर्मीलाई घर छोड्न दबाब दिएको गुनासो आएको र कोठा छोड्न दबाब दिए कानुन अनुसार कार्वाही गर्ने सिडियो रिजालले बताए ।
मुलुक अहिले महामारीले आक्रान्त बनिरहेको अवस्थामा आफ्नो जिउ ज्यानको प्रवाह नगरी खटिने स्वास्थ्यकर्मीहरूको मनोबल उच्च राख्ने कार्य गर्नुपर्नेमा केही घरधनीले बाहिरी जिल्लाबाट आएका विद्यार्थीलाई समेत घर छोड्न दबाब दिइरहेको भन्ने सुन्नमा आएको हुँदा त्यो व्यवहारप्रति गम्भीर ध्यानाकर्षण भएको उनले जारी गरेको वक्तव्यमा उल्लेख छ साथै सबै दाङ बासीले यस्तो बिपत्तमा लक डाउनको बेला सबैजना घरमा बस्न अनुरोध गर्नु भएको छ ।

प्रकशित मिति : २० चैत्र २०७६, बिहीबार ११:००