प्रकशित मिति : २४ चैत्र २०७६, सोमबार १०:४४

(देविराम कुसारी)
दाङ, चैत्र २४ । कोरोनाका कारण सर्वसाधारणले भोग्नु परेको समस्या न्युनिकरण गर्ने उदेश्यका साथ महिला सामुदायिक लघुबित्त बित्तीय संस्था लिमिटेडले सहयोग गर्ने क्रम जारी राखेको छ ।
दाङको घोराहीमा केन्द्रिय कार्यालय रहेको वित्तिय संस्थाले सहयोगकै क्रममा राजपुर गाउँपालिकालाई खद्यान्न सहयोग गरेको छ । गाउँ पालिकाका अध्यक्ष लोकराज केसीसंगको समन्वयमा एक द्धार प्रणाली अपनाएर १० क्वीन्टल चामल गाउँपालिकाको विपद व्यवस्थापन समितिलाई हस्तान्तरण गरेको वित्तिय संस्थाका प्रमुख कार्यकारी निर्देशक विमला योगीले जानकारी दिनुभएको छ । सरकारको राहात नीति र कार्यक्रमलाई सहयोग गर्न स्थानिय तहसंग समन्वय गरेर राहात वितरण गर्दे आएको र राजपुर गाउँपालिका संग पनि समन्वय गरेर चामल वितरण गरेको संस्थाका वरिष्ठ प्रवन्धक लोकराज रेग्मीले जानकारी दिनुभएको छ । संस्थाले ४७ हजार वरावरको चामल संस्थाका शाखा अधिकृत दिनेश चौधरीले गाउँ पालिकाका उपाध्यक्ष धनपति यादवलाई अस्तान्तरण गर्नुभएको हो ।
संस्थाले बिश्वब्यापी रुपमा फैलियको कोरोना भाइरसका कारण लक डाउन भैरहेको अवस्थामा दाङ, सल्यान, प्यूठान, रोल्पा, कपिलबस्तु र रुपन्देही जिल्लाहरुमा लगातार रुपमा सहयोग प्रदान गर्दे आइरहेको छ । संस्थाले यस अधि प्यूठानको स्वर्गद्धारी नगर पालिका बिपन ब्यवस्थापन कोषमा नगत ५० हजार, प्यूठान नगर पालिका प्यूठानमा ३७ हजारको साबुन, नौबहिनी गाउपालिकालाई ४२ हजारको खाद्यान्न सामाग्री, ऐरावती गाउँपालिका र झिमरुक गाउँपालिकालाई ७५ हजारको माक्स, दाङको घोराही उप–महानगरपालिकालाई ५९ हजार दुई सय पचासको सावुन सहयोग प्रदान गरिसकेको छ । दाङको राजपुर गाँउपालिकामा गरेको यो सहयोगसंगै महिला सामुदायिक लघु वित्ति वित्तय संस्थाले तनि लाख १० हजार दुई सय ५० रुपैयाको राहात सहयोग प्रदान गरेको छ ।
संस्थाले गर्ने सहयोगको क्रम अझै जारी रहने र अन्य स्थानिय निकायसगँ समन्वय गरि आर्थिक तथा अन्य सहयोग गर्ने संस्थागत लक्ष्य रहेको संस्थाका प्रमुख कार्यकारी निर्देशक बिमला योगीद्धारा जानकारी प्रदान गराउनु भएको थियो ।


सम्बन्धित

दर्ता विवरण

सूचना विभाग दर्ता नंः १३२५/०७५/७६

Twitter

Contact

सम्पादक – नुकेन्द्र प्रताप सिंह-
सम्पर्क-9848262615
संचालक – सागर थापा
सम्पर्क – 9847845918
email- [email protected]

Copyright © 2015-2021 AbcSanchar.com