लकडाउन उलंघन गर्नेहरु स्टिकी क्याच बाट १२ जना पक्राउ

प्रकशित मिति : २४ चैत्र २०७६, सोमबार २१:५०

(सागर थापा)
दाङको घोराही बजारमा विभिन्न बहाना बनाई लकडाउन उल्लंघन हुन थालेपछि दाङको घोराहीमा प्रहरीले अत्यावश्यकीय कामबाहेक हिडेकाहरुलाई (स्टिकी क्याच’बाट) पक्राउ गर्न थालेको छ ।
वडा प्रहरी कार्यालय घोराही जिल्ला प्रहरी कार्यालय दाङ जिल्ला ट्राफिक प्रहरी कार्यालय दाङ लगएतले आफै निर्माण गरेको स्टिकी क्याचको सहायताले दाङमा समात्न सुरु गरेको छ । सोमबार १० जनालाई लट्ठीको सहायताले पक्राउ गरिएको वडा प्रहरी कार्यालय घोराहीका प्रहरी प्रमुख प्रहरी निरीक्षक दिनेश रिमालले जानकारी दिनुभएको छ ।
प्रहरी निरीक्षक रिमालका अनुसार डिजाइन दिएर यो उपकरण ग्रील उद्योगमा बनाउन दिनुभएको थियो । त्यसमध्ये एउटा वडा र एउटा जिल्ला प्रहरी कार्यालयमा राखिएको छ । अझ अरु पनि निर्माण गरेर लकडाउन प्रभावकारी बनाउने उहाँले जानकारी दिनुभयो ।
बिना काम बाटोमा हिडिरहेकाहरु कोरोना भाइरसबाट संक्रमित पनि हुनसक्ने भएकाले सोझै समात्दा प्रहरीमा पनि संक्रमण हुने खतरा रहने भएकाले लट्ठीको सहायताबाट समात्दा सुरक्षित हुने विश्वास गरिएको प्रहरी निरीक्षक रिमालले बताए ।