दाङमा एम्बुलेन्सले लमही देखी तुलसीपुर सम्मको भाडा ३५ सय रुपैयाँ हो । तर, त्यही दुरीमा बढी भाडा लिएको पाईपछी एम्बुलेन्स चालक कारबाहीमा परेको हो । सात हजार रुपैयाँ विरामीबाट भाडा लिने कृपा पोलि क्लिनिक एण्ड मेडिकल हलको रा १ च ८२५ नम्बरको एम्बुलेन्सलाई प्रहरीले पक्राउ गरेको छ ।
एम्बुलेन्सले बिरामी भन्दा पनि पेसिन्जर बोकेको जनगुनासो आउन थालेपछी जिल्ला ट्राफिक प्रहरीले एम्बुलेन्स जाँच गर्न थालेको हो ।
सोही क्रममा एम्बुलेन्सले बिरामीबाट बढी भाडा लिएको पाईएपछी एम्बुलेन्स र चालकलाई नियन्त्रणमा लिएर जिल्ला प्रहरी कार्यालय दाङमा बुझाइएको जिल्ला ट्राफिक प्रहरी कार्यालय दाङका ट्राफिक प्रमुख प्रेम रेग्मीले बताए । साथै अब देखि हरेक दिन सवारी साधनलाई चेकजाँच र नम्बर राख्ने जानकारी दिए।
