१६ चैत्र २०८०, शुक्रबार
29-03-2024 , Fri
×

काठमाडौं परिसरमा SSP ज्ञवाली र अपराध महाशाखामा SSP थापाले पाए जिम्मेवारी

Logo
प्रकाशित मंगलबार, बैशाख ०९, २०७७

काठमाडौं बैशाख ९ गृहमन्त्रालयले काठमाडौं प्रहरी परिसरमा एसएसपी श्याम ज्ञवाली र अपराध महाशाखामा एसएसपी दिपक थापाको सरुवा गरेको छ । गृहमन्त्रालय स्रोतकाअनुसार मन्त्रालयले काठमाडौं प्रहरी प्रमुख एसएसपी उत्तम सुवेदी र अपराध महाशाखाका प्रमुख एसएसपी सहकुल थापा डिआईजीमा बढुवा भएर पदस्थापन भएपछि दुई एसएसपीको सरुवा भएको हो ।
काठमाडौं परिसरको प्रमुखमा सरुवा भएका ज्ञवाली र थापा दुवै प्रहरीमा व्यवसायीक अधिकृतका रुपमा चिनिन्छन् । काठमाडौं प्रहरी प्रमुख र अपराध महाशाखकाको नेतृत्वमा सरुवा भएका ज्ञवाली र थापा एकै पटक एसएसपीमा बढुवा भएका प्रहरी अधिकृतहरु हुन् । तर,प्रहरी निरीक्षकका रुपमा ज्ञवाली २०५१ चैत्रमा र थापा २०५२ भदौमा प्रहरीमा सेवा प्रवेश गरेका थिए ।
ज्ञवाली हालका प्रहरी महानिरीक्षक ठाकुर ज्ञवालीका सहोदर भाई हुन् । उनि एसपी बढुवामा एक नम्बरमा बढुवामा भएपनि एसएसपी बढुवा हुंदा पनि पछि परेका थिए । थापा भने एसएसपी बढुवा हुंदा आफ्नो ब्याचबाट एक नम्बरमा बढुवा भएका थिए ।
प्रहरीमा काठमाडौं परिसर र अपराध महाशाखाको नेतृत्वमा आउनका प्रहरी अधिकारीबीच तिव्र प्रतिस्पर्धा हुने गरेको छ । प्रहरीको नेतृत्वमा पुग्ने अधिकांश उच्च अधिकारी महाशाखा र परिसर बसेकाहरु पुग्ने भएकाले पनि यो जिम्मेवारीका लागी दौडधुप हुने गरेको हो ।

कमेन्ट गर्नुहोस्
सम्बन्धित

(एबिसि संचार ) जिल्ला अस्पताल धादिङमा कार्यरत डाक्टर प्रतिभा धौभडेल मृत फेला परेका छन् । ३४ वर्षीय डाक्टर धौभडेल काठमाडौंको छाउनीस्थित आफ्नै घरको बाथरुममा मृत अवस्थामा भेटिएका हुन् । केही दिनअघि घर बिदामा काठमाडौं आएका उनी बाथरुपमा सलको पासोमा झुण्डिएको अवस्थामा भेटिएको उनका पति डा.कविराज भण्डारीले प्रहरीसमक्ष बयान दिएका छन् ।कपडाको सलले पासो लगाएर झुण्डिएको […]

(एबिसि संचार )                                                                वन डढेलोमा परी गम्भीर घाइते भएकी एक महिलाको मृत्यु भएको छ । बिहीबार अपराह्न जंगलमा लागेको आगोले घाइते भएकी शिखर नगरपालिका–४ […]

(एबिसि संचार ) होली खेलेर सुनकोशीमा नुहाउने क्रममा तीन दिनअघि बेपत्ता भएका त्रियुगा नगरपालिका–१४ साउनेकी रेखा मगरको शव बुधबार बिहान फेला परेको छ । जिल्ला प्रहरी कार्यालय उदयपुरका अनुसार आज बिहान साउनेको धाप्लाङदेखि ६ किलोमिटर तल सूर्यढुङ्गा भन्ने स्थानमा १२ वर्षीया रेखा मगरको शव फेला परेको प्रहरीले जनाएको छ ।