(बिदुर एमसी)
भालुवाङ्ग, कोरोनाको महामारीको त्रासले बजार सबैतिर बन्द छ । कतैपनि यसो टाउको घुसाएर एक कप चिया पिउने ठाँउसम्म पाउन मुस्किल छ अचेल ।
दाङ जिल्लाकाे पूर्वी देउखुरीमा पर्ने भालुवाङ्ग बजार यतिखेर लक डाउनका कारण ठप्प छ ।
कहि कतै कुनै काम चलेको छैन, सम्पूर्ण बन्द छ । त्यही बन्दले गर्दा एकछाक मीठो तरकारी हुने साथै समय कटाउन सजिलो भएको छ, यहाँका केही मानिसहरुलाई ।
उसै त लक डाउनले सबै बन्द छ ।
बन्दले नजिकैको देउखुरीमा उत्पादन भएको तरकारी राम्रोसँग आउन पाएको छैन, भालुवाङ्ग बजारसम्म । आयोभने पनि अत्यन्तै कम आउँछ र त्यो पनि महँगो हुने गरेको उपभोक्ताहरु बताउँछन् ।
अनि भालुवा्ङ्ग पुल्चोकका वासिन्दाहरु नजिकैको राप्ती नदितिर जान्छन् । कसैका हातमा थाकल ( खजुरी ) का पातकाे मुठाे, कसैका हातमा पातलो कपडा त कसैका हातमा माछा राख्ने भाडाे हुन्छ उनीहरूशीत ।द
के महिला, के पुरुष, बिहानको खाना खाएर आपसमा मिलेर नदिमा जान्छन् । आपसमा रमाइलो र हासाे ठट्टा गर्दै हाहा र हुहु गरेर राप्तीमा चाेपलिदै माछा मार्नमा तल्लीन देखिन्छन् उनीहरू ।
यो पङ्क्तिकार मोबाइल फोनको क्यामेरा तेर्स्याउदै जब राप्ती नदितिर उनीहरूले भएकोतिर गयो ।
उनीहरूले पनि खुसी भएर उफ्रिदै आपसमा के के भन्न थाले । कसैले युटुवमा हाल्नु भने, त कसैले फ़ेरि टेलिभिजनमा हाल्नु भनेर भने ।
जेहाेस्, यतिखेर राप्ती नदिमा माछा मार्दै दिन कटाउने गरेका छन् उनीहरू ।
