कर्णाली प्रदेशका मुख्यमन्त्री महेन्द्रबहादुर शाहीको कर्णाली प्रदेशमा कोरोना भाइरस (कोभिड–१९)को परीक्षणलाई तीव्र बनाउन निर्देशन गरेका छन् । शनिबार मुख्यमन्त्री शाहीको अध्यक्षतामा मुख्यमन्त्री तथा मन्त्रिपरिषद्को कार्यालयमा बसेको विपत् व्यवस्थापन केन्द्रको बैठकमा बोल्दै पछिल्लो वेला प्रदेशमा भित्रिएका नागरिकहरूलाई केन्द्रित गरी कोरोना परीक्षणलाई तीव्रता दिन निर्देशन गरेका हुन् ।
मुख्यमन्त्री शाहीले लकडाउनले समस्यामा परेका कारण उद्धार गरी जिल्लामा पुगेका मजदुर तथा विद्यार्थीहरूबाट सम्भावित संक्रमणको जोखिम कम गर्न कोरोना परीक्षणलाई तीव्रता दिन जरुरी रहेको बताए । कोरोना परीक्षणका लागि आवश्यक ऱ्यापिड टेस्ट किटलगायतका सामग्रीको तत्काल आपूर्ति व्यवस्था मिलाउन मुख्यमन्त्री शाहीले सामाजिक विकास मन्त्रालयलाई निर्देशन दिए ।
उनले संघीय सरकारबाट प्राप्त हुन सक्ने अवस्था भएमा तत्काल माग गर्न र आपूर्ति हुन नसक्ने अवस्थामा खरिद गरेर भए पनि परीक्षणका लागि आवश्यक सामग्रीको व्यवस्थापन गर्नुपर्ने बताए । कोरोनाको जोखिम क्षेत्र पूर्वी तराई र भारतबाट भित्रिएका नागरिकलाई अनिवार्य क्वारेन्टाइनमा राख्ने व्यवस्था मिलाउन पनि मुख्यमन्त्री शाहीले निर्देशन दिए ।

सम्बन्धित

डीआईजी सरुवा अझै एक हप्ता लाग्ने प्रदेश र सीआईबी जान दौडधुप जारी

बाँकेमा लकडाउन असार ७ गतेसम्म नामको मात्र लकडाउन सिडियो मौन

कञ्चनपुरमा ११ वर्षीया बालिकामाथि बलात्कार गरेको आरोपमा एकजना पक्राउ

बाँकेको फत्तेपुरमा प्रहरीको आफ्नै नयाँ भवनको उद्घाटन एवं हस्तान्तरण

देशैभर भीषण वर्षाको सम्भावना सतर्कता अपनाउन आग्रह

साविकका गाविस सचिवहरु विरुद्ध लाखौंको भ्रष्टाचार मुद्दा