दाङको भालुवाङमा कडा बन्यो लकडाउन चेकजाँचमा खटे प्रहरी प्रमुखहरु

(बिदुर एमसी) दाङ भालुवाङ्ग १६ बैशाख नेपाल सरकारले जारी गरेको लक डाउन दाङको भालुवाङ्गमा मङ्गलवारदेखि निकै सशक्त बनेको छ । नेपाल सरकार, गृह मन्त्रालयकाे निर्देशनमा यसरी सवारीसाधन र यात्रुलाई अावागमनमा निकै निगरानी गरिएको छ । निगरानी गर्न ईलाका प्रहरी कार्यालय भालुवाङ्गका प्रहरी प्रमुख प्रहरी निरिक्षक ( इन्स्पेक्टर ) गङ्गा बहादुर सारु र अस्थायी ट्राफिक प्रहरी कार्यालय भालुवाङ्गका ट्राफिक प्रमुख प्रहरी सहायक निरिक्षक ( असइ ) रञ्जित आचार्य सहितको सुरक्षा निकायको टाेलीले आफै सडकमा खटी ड्युटी गरेका छन ।भालुवाङ्ग क्षेत्रमा लक डाउन झनै कडा बन्दै गएको भन्न सकिन्छ । यसले गर्दा पूर्व तथा पश्चिमबाट आएका सवारीसाधन र यात्रुहरुको निकै खचाखच थियो, मङ्गलवार भालुवाङ्गमा । दैनिक अत्यावश्यक खाद्य प्रयोजनका ढुवानीका मालबाहक गाडीहरु सवारी अनुमतिकाे पास भएकालाई मात्रै जान दिइएको र पास नभएका सवारीसाधनहरुलाई रोकेर केही समयपश्चात् अब उप्रान्त पास बनाएर मात्र गाडी चलाउन सम्बन्धित सवारीसाधन चालकलाई निर्देशन गरिएको थियो । पश्चिम कञ्चनपुर जिल्लाकाे महेन्द्रनगरदेखि पूर्व झापा जिल्लाको काकडभिट्टासम्म हुइकिने गाडीहरूको केन्द्रबिन्दु जस्तै हो, दाङ जिल्लाकाे देउखुरी भालुवाङ । त्यस कारणले अन्य सामान्य समयमा सवारी गाडीहरुकाे यश भालुवाङ्गमा । काेभिड 19 नामक नाेबेल काेराेना भाइरसका संक्रमितहरुको सङ्ख्या बढ्दै गएकाले कोरोनाको उक्त प्रभावलाई निष्तेज पार्न गृह मन्त्रालयले साे कदम चालेको ईलाका प्रहरी भालुवाङका प्रहरी प्रमुख सारुले जानकारी दिनुभएको छ ।