दाङमै पहिलाे पटक घर-घरमा भत्ता लिएर पुगे जनप्रतिनिधि

प्रकशित मिति : १८ बैशाख २०७७, बिहीबार ११:२७

(कपिल लामिछाने)
अहिलेकाे बिद्यमान अबस्थालाई मध्येनजर गर्दै तुलसीपुर उपमहानगरपालिका वडा नं १८ ले दाङमै पहिलाे पटक घर-घरमा पुगेर सामाजिक सुरक्षा भत्ता वितरण गर्ने वानीकाे बिकास गरेकाे छ ।
काेराेना भाईरस(काेभिड१९) काे महामारीलाई मध्येनजर गर्दै देशमा अहिले लकडाउन गरिएकाे छ । यसबिचमा दैनिक ज्यालादारी गर्ने मजदुर, लगाएत यस क्षेत्रमा अलपत्र परेका सबै नागरिकहरुलाई वडाले याे अघि नै उद्धार गरेर सामाजिक सेवा गर्दै आईरहेकाे छ ।
यसैबिचमा अहिले बृद्धबृद्धाहरुले पाउने सामाजिक सुरक्षा भत्ता कतिपय बैङ्कहरुले दिन नमानेकाे र दिएपनि न्युन मात्रामा उपलब्ध गराएकाले आफ्ना वडावासीहरुलाई घर-घरमा नै लगेर भत्ता दिन कदम अगाडी बढाएकाे र आगामी दिनहरुमा पनि यसलाई निरन्तरता दिन सक्दाे प्रयास गर्ने तुलसीपुर उपमहानगरपालकाका वडा अध्यक्ष माधव वलीले बताउनु भयाे ।
तुलसीपुर उपमहानगरपालिका वडा नं १८ का जनप्रतिनिधि,कर्मचारी र टाेल बिकास समितिका पदाधिकारीहरु संग समन्वय गर्दै वडाले बिभिन्न चरणहरु बिभाजन गर्दै सामाजिक सुरक्षा भत्ता घरमा नै पुर्याउन थालेकाे हाे । पहिलाे चरणमा प्रत्येक टाेलहरुबाट ५/५ जना गरि १ सय ३१ जनालाई घर-घरमा नै लगेर वडाले सामाजिक सुरक्षा भत्ता वितरण गरेकाे हाे ।
सामाजिक सुरक्षा भत्ता घर-घरमा नै पाउन थालेपछि गाउ समाजमा अहिले गाउघरका बृद्धबृद्धाहरु एकदम खुसी देखिन्छन् । भत्ता लिईसकेपछि एकिकृत नमुना टाेल बिकास संस्थाका ७५ बर्षका टेक बहादुर पुन मगरले सरकारले बृद्धबृद्धाकाे लागी धेरै गरेकाे छ बैङ्कमा घण्टाैँ लाईन लागेर भाेक भाेकै पालाे कुर्नुपर्थ्याे अहिले घरमा नै पैसा बुझ्न पाउदाँ निकै खुसी ब्यक्त गर्नुभयाे ।
यसरी घर-घरमा सामाजिक सुरक्षा भत्ता वितरण गर्ने कार्य नियमित भयाे भने यस क्षेत्रका जनप्रतिनिधिहरुले मात्रै नभएर सबैमा सेवाकाे भावना अझै फराकिलो भएर आउने थियाे कि ?