संकटको अवस्थामा पत्रकारहरुलाई समयमा तलब देऊ उपाध्यक्ष:पोख्रेल

प्रकशित मिति : २२ बैशाख २०७७, सोमबार ०८:२३

एबिसी संचार
नेपाल पत्रकार महासंघका केन्द्रिय उपाध्यक्ष विपुल पोख्रेलले अहिले कोरोनाको कारण संकटको अवस्था सिर्जना भएको भन्दै यस्तो बेलामा कुनै पनि सन्चारकर्मीलाई हटाउन र तलब दिन ढिलाई नगर्न सन्चारगृहहरुलाई आग्रह गरेका छन् । नेपाल प्रेस युनियन काठमाडौंले आयोजना गरेको नेपालमा प्रेस स्वतन्त्रता र चुनौती विषयक डिजिटल छलफलमा भाग लिँदै उपाध्यक्ष पोख्रेलले पत्रकार महासंघले सन्चारगृहहरुलाई सन्चारकमीहरुलाई उचित हिसावले सम्बोधन गर्न भनिसकेको बताए ।
उनले यो असहज परिस्थितमिा पनि काम गने पत्रकारहरुलाई अतिरिक्त सुविधा दिनका लागि सोच्न पनि उनले मिडिया हाउसहरुलाई आग्रह गरे । पत्रकार महासंघकै ध्यानाकर्षणका कारण कान्तिपुर दैनिकले पत्रकारहरुलाई बेतलवी विदा बसाउने गरि गरेको तयारी फिर्ता लिएको पनि बताए । पत्रकार महासंघ पत्रकारहरुको पेशागत र भौतिक सुरक्षाकै पक्षमा लागिरहेको पनि बताए । उनले अहिले सन्चार क्षेत्रले राज्यलाई आफनो अभिभावक मान्न सक्ने अवस्था नहुनु दुखद भएको बताए । पत्रकारहरुका लागि राहत प्याकेज ल्यान भनेर पटक पटक भन्दा पनि सरकारले नसुनेको र प्रधानमन्त्री केपी ओलीले ४ पटक बोल्दा तीन पटक पत्रकारहरुलाई गाली गरेको भन्दै असन्तुष्टि पनि पोखे ।
लकडाउनका कारण अहिले नेपालका मिडिया समस्यामा पर्दा पनि सरकार भएको महसुस गर्न नपाएको उनको भनाई थियो ।

प्रकशित मिति : २२ बैशाख २०७७, सोमबार ०८:२३