विराटनगर भन्सारमा १ करोड ९ लाख भारतीय रुपैयाँ पक्राउ

प्रकशित मिति : २३ बैशाख २०७७, मंगलवार २०:१३

विराटनगर भन्सारबाट सशस्त्र प्रहरीले एक करोड नौ लाख भारतीय रुपैयाँ बरामद गरेको छ ।
मंगलबार दिउँसो एकीकृत भन्सार जाँच चौकी विराटनगर परिसरबाट एक करोड नौ लाख ७९ हजार ५ सय भारतीय रुपैयाँ बरामद भएको हो ।
नाकामा भारतबाट प्रवेश गरेकाे डब्लूबी ७३ ई ७६३५ खाली गाडी चेकजाँच गर्ने क्रममा बाेराभित्र राखेकाे अवस्थामा सो रकम बरामद भएकाे प्रहरी स्राेतले बताएकाे छ ।
खाली गाडीमा गुट्खाको र्यापरले बेरेर लुकाएर ल्याइएको अवस्थामा सो रकम बरामद भएको हो ।
खाली गाडी भएका कारण भारत पक्षले परीक्षण नगरी नेपाल प्रवेशकाे अनुमति दिएकाे थियाे ।
नेपालमा भने जाँच गर्दा बाेराभित्र राखेकाे अवस्थामा रकम बरामद सशस्त्र प्रहरीका एसपी नेत्र कार्कीले जानकारी दिए ।
उनका अनुसार सो रकमसँगै २ जनालाई पनि पक्राउ गरिएको छ ।
सशस्त्र प्रहरीको टोलीले रकम बरामद गरेको विराटनगर भन्सारका प्रमुख शिव भण्डारीले बताए ।
साे रकम हुण्डी काराेवारीले ल्याएकाे हुनसक्ने प्रहरीले बताएकाे छ ।

प्रकशित मिति : २३ बैशाख २०७७, मंगलवार २०:१३