दाङ प्रहरीले लकडाउन उलंघन गर्नेहरुलाई २ घण्टा उभ्याएर प्रशिक्षण दिदै

प्रकशित मिति : २५ बैशाख २०७७, बिहीबार ०९:२७

(सागर थापा)
जिल्ला प्रहरी कार्यालय दाङले लकडाउन उल्लघंन गर्नेहरु बढ्न थालेपछि प्रहरीले कडाई गरेको छ । कोरोना संक्रमणबाट बच्न घर मै बस्न सरकारले आग्रह गर्दै लकडाउन जारी गरे पनि नागरिकहरु घर बाहिर निस्कीएपछि प्रहरीले सडकमै उभ्याउने र प्रशिक्षण दिने गरेको छ ।
भिडभाडमा जादाँ कोरोनाको संक्रमण फैलन सक्ने भन्दै सरकारले लकडाउन घोषणा गरेको ४५ औ दिन पुगेको छ । दाङमा प्रहरीले बजारमा निस्कीएका व्यक्तिहरुलाई २ घण्टा सडकमै उभ्याउने गरेको छ ।
साथै उनिहरुलाई कोरोना संक्रमण बाट बच्ने उपाय सिकाउनुका साथै लकडाउनेको अर्थका बारेमा प्रहरीले प्रशिक्षण दिने गरेको जिल्ला प्रहरी कार्यालयका प्रहरी प्रमुख गणेश चंन्दले जानकारी दिनुभएको छ । छिमेकी जिल्ला बाँके र रुपन्देहीमा कोरोना संक्रमित व्यक्तिहरु फेला परेपछि दाङमा उच्च सतर्कता अनाउनु अपरिहार्य भएको उहाँको भनाई छ ।
दाङमा खाद्यान्न र तरकारी किनेमेलका लागि आईतबार, मंगलबार र शुक्रबार सातामा तीन दिन बिहान पसल खुल्दै आएको छ । तर अटेरीका कारण बजारमा निस्कने व्यक्तिहरुका सवारी साधनलाई नियन्त्रणमा लिने र व्यक्तिलाई २ घण्टा सडकमै उभ्याउने गरेको दाङ प्रहरी प्रमुख एसपी चंन्दले बताए ।

प्रकशित मिति : २५ बैशाख २०७७, बिहीबार ०९:२७