(एबिसी क्राईम ब्युरो) डिभिजन बन कार्यालय दाङले संरक्षण सूचीमा सुचिकृत लोपोन्मुख जंगली जनावर हुडारको जीवितै उद्दार गरेको छ । दाङको तुलसीपुर उपमहानगरपालिका वडा नं. १२ रझेनामा टाउकोमा चोटपटक लागि घाईते अवस्थामा जंगली जनावर देखिएको भन्ने स्थानियहरुले दिएको सूचनाका आधारमा डिभिजन वन कार्यालय, घोराही तुलसीपुर सव डिभिजन वन कार्यालय, दोघरेबाट गएको संयुक्त गस्ती टोली घटना हुडारको उद्दार गरेको हो । टाउकोमा छर्रागोली लागी घाईते अवस्थामा पल्टीरहेको भाले हुँडारको बुधबार उद्दार गरिएको डिभिजन बन कार्यालय दाङका सूचना अधिकारी खिम बहादुर के सि ले जानकारी दिनु भएको छ ।
घटनास्थलमा छटपटाई रहेको घाईते हुँडारलाई औषधोपचार एवं आवश्यक व्यवस्थापनका लागि आपत्कालीन उद्धार गरी डिभिजन वन कार्यालयमा ल्याईएको छ ।
घटनामा को को संलग्न भएका हुन भनी स्थानियहरु सँग सोधपुछ गर्दा घाईते अवस्थापामा गाँउ छिरेको त्यसलाई कसले घाईते वनाएको हो थाहा नभएको बताएका थिए । घटनाको विषयमा विस्तृत छानविन एवं अनुसन्धान कार्य भईरहेको डिभिजन वन कार्यालयका सहायक वन अधिकृत एवं सुचना अधिकारी खिम बहादुर केसीले जानकारी दिनु भयो ।
