महेन्द्र सिंह
बाँकेको नेपालगन्जमा केही सहज भएको छ यसअघि बाँकेको नेपालगन्ज उपमहानगरपालिकामा लगाइएको निशेधाज्ञालाई खुकुलो बनाउने भएपछि नेपालगन्जको दैनिकी सहज हुने भएको हो ।
आज विहीबार बाँकेका प्रमुख जिल्ला अधिकारी कुमारबहादुर खड्काको अगुवाईमा बसेको सर्वदलीय, सर्वपक्षीय वैकठले यस्तो निर्णय गरेको हो ।
सर्वदलीय तथा सर्वपक्षीय बैठकले भोली शुक्रबार विहान ११ बजेदेखि ३ बजेसम्मको अवधिमा सर्वसाधरणलाई छुट् दिइने भएकोछ । बाँके प्रशासनले दिएको यस्तो छुट भने अत्यावश्यक काम, खाद्यान्न तथा औषधी लगायतका सामाग्री खरिद विक्रिका लागि छुट्याइएको हो ।
तर, बाँके प्रशासनले यो समयमा पनि लकडाउनलाई पूर्णरुपमा पालना गराउदैं विना काम घरदेखि बाहिर निस्कने, भीडभाड गर्ने जस्ता काम नगर्न नगराउन आग्रह गर्दै यस्तो गरिएको पाइएमा कानूनी कारबाही समेत गर्ने बाँकेका प्रमुख जिल्ला अधिकारी कुमार बहादुर खड्काले बताए ।
यो अवधिमा बाँके प्रशासनले जारी गरेको पासका सवारी साधन आवश्यकता अनुसार चल्न दिइनेछ ।
