बर्दिया देखि भारततर्फ जान लागेकाहरुलाई रोक्ने प्रयास गर्दा सीमामा खटिएका सशस्त्र प्रहरी निरीक्षकसहित तीन जना प्रहरीमाथि आक्रमण भएको छ । गुलरिया–१० रत्नापुर नजीकै चार जनाको समूहमा रहेका व्यक्तिले सीमामा तैनाथ दुई प्रहरीलाई कुटपिट गर्न थालेपछि सशस्त्र प्रहरी निरीक्षक डिल्लीराम चौधरी त्यहाँ पुग्नुभएको थियो । उनीहरूले चौधरीको बर्दीको पोशाकसमेत च्यातिदिएका छन् । कुटपिट गर्ने समूहलाई प्रहरीले नियन्त्रणमा लिएको छ । पक्राउ पर्नेमा सोही ठाउँका वीरेन्द्र मल्लाह, रामचन्द्र मल्लाह, राजकुमार मल्लाह र इन्द्र मल्लाह रहेको सशस्त्र प्रहरी निरीक्षक चौधरीले जानकारी दिनुभयो । सामान्य विवाद भएको भन्दै पक्राउ परेकाहरुलाई वडाध्यक्ष वीरेन्द्र चौधरीले पछि बुझाउने कागज गरी छुटाएको प्रहरीले जनाएको छ । भारतबाट सामान खरीद गरी नेपाल भित्र्याउने उद्देशयले उनीहरू सीमावर्ती बजार जान लागेका कारण प्रहरीले रोक्न खोज्दा कुटपिट भएको बर्दियाका सशस्त्र प्रहरी उपरीक्षक यादव विकले बताउनुभयो

सम्बन्धित

बाँके प्रहरीले मोबाईल पसलमा चोरी गर्ने नाबालक सहित ३ जना पक्राउ

राष्ट्रपति विद्यादेवी भण्डारी मार्फत दुई प्रदेश प्रमुखले लिए सपथ

अवकाशप्राप्त सशस्त्र प्रहरीका डीआईजी श्रेष्ठ पुनः पदमुक्त

दाङ प्रहरीले सालको २७ थान चिरान काठ पक्राउ

त्रिभुवन अन्तर्राष्ट्रिय विमानस्थलमा कार्यरत असई गिरी उत्कृष्ट प्रहरी घोषित

तालिम केन्द्रमा मानवीयपन कायम राखी दक्ष प्रहरी तयार गर्न आइजिपी थापा क्षेत्रीको निर्देशन