सागर थापा/बिदुर एमसी नेपाल सरकारले अाव्हान गरेको जारी लकडाउनका कारण दाङ्ग देउखुरीका इटा उद्योगहरु धराशायी हुने अवस्थामा पुगेका छन् । दाङ्ग जिल्लाकाे दक्षिणी पूर्वी देउखुरीमा अवस्थित गढवा गाउँपालिका वडा नम्बर १, जेठान गाउँमा रहेको एक इटा उद्योग पनि त्यस्तै अवस्थामा पुगेको उद्योगका व्यवस्थापक कृष्णप्रसाद शर्माले उद्योग बारेमा दुखेसो पाेखेका छन् । एक वर्ष अगाडि २ करोडभन्दा बढीको लगानीमा कृष्ण फिक्स चिम्नी ब्रिक उद्योग स्थापना भएको थियो । स्थानीय सरकारले भारतबाट ल्याउने कोइला लगायतका सामानहरु ल्याउनमा वातावरण मिलाइदिएमा उद्योग सञ्चालनमा केही सहज हुने उद्योगी सम्भुनाथ याेगीकाे भनाइ रहेको छ । दैनिक रूपमा १ लाख जति इटा उत्पादन गर्दै आएको उक्त उद्योग हाल जारी लक डाउनका कारणले कामदारहरुलाई उत्पादन बिना पनि पाल्दै आइरहेको छ । विशेषगरी भारतबाट आएका कामदारहरुलाई उनीहरूकै घरमा पठाउन सकेमा मात्र पनि उद्योगलाई र ती कामदारहरुलाई धेरै सहज हुने कुरामा उद्योगका मालिक र कामदारहरुकाे समान बिचार रहेको छ । नेपाल सरकारले गाडीको व्यवस्थापन मिलाएर घरमा पुग्ने वातावरण मिलाइदिएमा आफूहरू घर जान तयार रहेको उद्योगमा काम गर्ने एक भारतीय कामदारले हाम्रा सञ्चार माध्यम मार्फत सरकारलाई अाग्रह गरेका छन् । लगातारको वर्षातले बनाएर राखिएका इटाहरु गलेर नाेक्सान हुने त छदैछ । त्यसमा पनि याे लक डाउनले उद्योग बर्बाद भएको छ, व्यवस्थापक शर्माले दुखेसो पाेखे । बर्षातकाे पानीका कारणले मात्र झण्डै ३० लाख बराबरको इटा नाेक्सानी भएको र त्यसमा याे लक डाउनले झन् पीडा थपेको उद्योगी याेगीकाे गुनासो छ । तसर्थ, सरकारले बेलैमा उद्योगका बारेमा केही कदम चालाेस् ।

सम्बन्धित

SP अधिकारीको सफलता महिलाको हत्या गरि अंग बेच्ने ६ जना पक्राउ

भेरी अस्पतालमा बिरामीको चाप धेरै १२७ लाई कोरोना पुष्टि

कर्णाली प्रदेशका मुख्यमन्त्री शाही नेतृत्वको सरकार जोगियो

नयाँ ट्राफिक प्रहरी पोष्ट बर्दघाटको नवनिर्मित भवनको उदघाटन

बाँकेको भेरी अस्पतालमा उपचाररत ४९ कोरोनाको अवस्था गम्भीर

मास्क लगाउ अभियान लिएर बाँकेका सुरक्षा प्रमुखहरु सडकमा