११ आषाढ २०८१, सोमबार
24-06-2024 , Mon
×

काठमाडौंमा चिनियाँ नागरिक र प्रहरीबीच झडप हुँदा डिएसपी घाइते ३८ जना पक्राउ

Logo
प्रकाशित शुक्रबार, बैशाख २६, २०७७

(एबिसी क्राईम ब्युरो)
काठमाडौं सिंहदरबार क्षेत्रमा चिनियाँ नागरिक र प्रहरीबीच झडप भएको छ।
शुक्रबार सिंहदरबार प्रवेश गर्न खोजेपछि प्रहरीले प्रतिकार गर्दा झडप भएको महानगरीय प्रहरी परिसरका एसएसपी श्याम ज्ञवालीले जानकारी दिए।
‘केही चिनियाँ नागरिकहरू जम्मा भएर सिंहदरबार प्रवेश गर्न खोजेपछि त्यहाँ झडप भयो,’ उनले भने, ‘प्रहरीले बल प्रयोग गरेर उनीहरूलाई नियन्त्रणमा लिएको छ।’
प्रहरीले ३८ चिनियाँ नागरिकलाई पक्राउ गरी नगर प्रहरी कार्यालयमा राखिएको छ।
‘उनीहरू आफ्नो देश फर्किन चाहन्छन्। धेरै अघिदेखि नै उनीहरूले फर्किने प्रयास गरिरहेका छन्,’ उनले भने,’राजदूतावास गएर पनि घर पठाइदेऊ भन्ने खालका कुरा गरेका थिए।’
झडपबाट महानगरीय प्रहरी वृत्त सिंहदरबारका डिएसपी हरि बस्नेत घाइते भएका छन्। उनको टाउकोमा चोट लागेको छ। उनको नजिकैको मेडिकलबाट उपचार गरिएको छ।
ती चिनियाँ नागरिकका बारेमा राजदूतावासमा छलफल गरेपछि मात्रै थाहा हुने एसएसपी ज्ञवालीले बताए।
लकडाउनका कारण नेपालमा रहेका धेरै चिनियाँ नागरिक यतै अलपत्र परेका छन्।
काठमाडौंस्थित चिनियाँ दूतावासले केहीलाई जहाज चार्टर्ड गरी स्वदेश पठाए पनि केही अझै नेपालमै अड्किएका छन्।

कमेन्ट गर्नुहोस्
सम्बन्धित

ABC (क्राईमबिट) बाँके । जिल्ला कोहलपुर नगरपालिका वडा नं.४ बस्ने बर्ष ३२ को रामजान अली गुज्जर र वडा नम्बर ३ बस्ने बर्ष ४२ को नन्दलाल थारू रहेका छन् । बर्दिया बाँसगढी नगरपालिका वडा नं.९ स्थित अजय कटेजका संचालक जगराम थारुलाई हामी प्रहरी हौँ भनी पैसा माग गरेको कसूरमा उनीहरूलाई पक्राउ गरेको प्रहरीले जानकारी दिएको छ। […]

ABC (क्राईमबिट) काठमाडौं । संयुक्त राष्ट्र संघको मुख्यालय न्यूयोर्कमा मिति २०८१।०३।१२ गतेदेखि १३ गते (तदनुसार 26-27 June 2024) सम्म आयोजना हुने “Fourth United Nations Chiefs of Police Summit (UNCOPS)” विषयक कार्यक्रममा सहभागी हुन श्रीमान् गृह सचिव एकनारायण अर्याल श्रीमान् प्रहरी महानिरीक्षक बसन्त बहादुर कुँवर लगायत गृह मन्त्रालय तथा सुरक्षा निकायका वरिष्ठ पदाधिकारिहरू त्यसतर्फ प्रस्थान गर्नुभएको […]

ABC (क्राईमबिट) बाँके । नेपालगंज उपमहानगरपालिका वडा नं.१ धम्बोजी शिवमन्दिर नजिक यस वडा प्रहरी कार्यालय नेपालगंज बाँकेबाट खटिएको प्रहरी टोलिले भारतबाट नेपालमा भन्सार छलि चोरी पैठारी गरी अबैध रूपमा ल्याईएका सामानहरु जम्मा अन्दाजी मूल्य रु.१,६१,८००।-(एक लाख एकसठ्ठी हजार आठ सय) बराबरको फेला पारी आवश्यक कारवाहीको लागी नेपालगंज भन्सार कार्यालय बाँकेमा पठाईएको वडा प्रहरी कार्यालय नेपालगन्जले […]