सिसहनियाँ किसानको बारीमा तरकारी कुहिन नदिन तथा सहज अापुर्तीका लागि राप्ती गाउँपालिका चेम्बर अफ कमर्सले किसानका घर घरमा तरकारी खोज्ने अभियानलाई निरन्तरता दिएको छ । दाङ चेम्बर अफ कमर्सको समन्वयमा राप्ती गाउँपालिका चेम्बर अफ कमर्सले राप्ती गाउँपालिका भित्रका व्यवसायीक खेती गर्ने किसानको घरमै पुगेर तरकारी किनिरहेको चेम्बर अफ कमर्सका अध्यक्ष कुमार अधिकारीले जानकारी दिएका छन् । चेम्बरले किसान सँग किनेकै मुल्यमा उपभोक्ताहरूको घर घरमा तरकारी पुर्याउने गरेको छ । शनिवार र सोमबार चेम्बरले राप्ती गाउँपालिका वडा नम्बर ५,६,७ र ८ नम्बर वडाबाट भिन्डी,लाैका,करेला,काक्रा,फर्सी,टमाटर,बन­्दागोभी,साग,बोडी,खरभुजा,घिराैला लगायतको तरकारी खरिद गरेको छ । उता दाङ चेम्बर अफ कमर्सका जिल्ला अध्यक्ष श्रीधर महराले तरकारी बिक्री नभएकै कारण निरास हुन नपर्ने बताएका छन् । पालिका स्तरमा भएका चेम्बरको समन्वयमा दाङ जिल्ला भरि तरकारी खरिद गरि बिक्री गर्ने गरेको अध्यक्ष महराले बताएका छन् । अव चेम्बरले दैनिक रूपमा तरकारी खरिद गर्ने बताएको छ ।

सम्बन्धित

SP अधिकारीको सफलता महिलाको हत्या गरि अंग बेच्ने ६ जना पक्राउ

भेरी अस्पतालमा बिरामीको चाप धेरै १२७ लाई कोरोना पुष्टि

कर्णाली प्रदेशका मुख्यमन्त्री शाही नेतृत्वको सरकार जोगियो

नयाँ ट्राफिक प्रहरी पोष्ट बर्दघाटको नवनिर्मित भवनको उदघाटन

बाँकेको भेरी अस्पतालमा उपचाररत ४९ कोरोनाको अवस्था गम्भीर

मास्क लगाउ अभियान लिएर बाँकेका सुरक्षा प्रमुखहरु सडकमा