२८ कार्तिक २०८३, शनिबार
14-11-2026 , Sat
×

लकडाउनको मौका छोपी चोरी गर्ने ११ जना पक्राउ

Logo
प्रकाशित मंगलबार, बैशाख ३०, २०७७

(एबिसी क्राईम ब्युरो)
काठमाडौँ । कोरोना भाइरसको जोखिम हुन नदिन लकडाउन जारी रहँदा महानगरीय प्रहरीवृत्त बौद्धले चोरीमा संलग्न ११ जनालाई पक्राउ गरेको छ । गत चैत ११ गतेदेखि लकडाउन शुरु भएको थियो । बौद्ध क्षेत्रको विभिन्न स्थानबाट सो कार्यमा संलग्न दुई महिलासहित नौ पुरुषलाई पक्राउ गरी मुद्दा चलाएको वृतका प्रहरी नायब उपरीक्षक नवीन कार्कीले जानकारी दिए ।
विभिन्न बन्द होटल, रेस्टुराँ, पसल तथा कोठामा चोरी हुन थालेको उजुरीपछि प्रहरीले आफ्नो क्षेत्रमा गस्ती बढाएको थियो । उनले भने, ‘गस्ती बढाएसँगै लकडाउनको मौका छोपी चोरी गर्नेलाई पक्राउ गरी अनुसन्धनपश्चात् कानूनी कारवाही अघि बढाइएको छौँ । ती मध्ये कोही बालबालिका समेत रहेका छन् । कोहीलाई सम्झाइबुझाइ गरेर परिवारको जिम्मामा पठाएका छौँ । कोहीलाई सुधारगृह पठाएका छौँ ।’ प्रहरीले पसल चोरी गर्दै गर्दा गोरखा घर भई हाल काठमाडौँ बौद्ध बस्ने आयुष थापा मगर तथा भोजपुर घर भई काभ्रे बस्ने सुरज मगरलाई पनि प्रहरी पक्राउ गरेको थियो ।
त्यस्तै चार्जमा राखेको मोबाइल चोरी गर्दै गर्दा प्रहरीले दुई महिलालाई पक्राउ गरी मुद्दा दायर गरेको छ । यसरी पक्राउपर्नेमा काठमाडौँ सुकेधाराकी रेश्मा लामा र पर्सा घर भई काठमाडौँ बस्दै आएकी निर्मला भनिने मिना लामा रहेका छन् ।
चोरी मुद्दामा पक्राउपर्नेमा सिन्धुपाल्चोक घर भई काठमाडौँ गोकर्णेश्वर बस्ने असल भुजेल र अभिषेक भुजेल, ओखलढुङ्गा घर भई काठमाडौँ बस्ने ङिमा शेर्पा र धनबहादुर तामाङ, बूढानीलकण्ठका आयुष राई र सुमन लिम्बू रहेका प्रहरीले जनाएको छ । रासस

कमेन्ट गर्नुहोस्
सम्बन्धित

  बाँके । नेपालगञ्ज उपमहानगरपालिका-२ स्थित हनुमानगढीमा १०८ फिट अग्लो भगवान् हनुमानको भव्य मूर्ति निर्माण सम्पन्न भएको छ। १४ करोड ४ लाख ६३ हजार रुपैयाँ लागतमा निर्माण गरिएको यस धार्मिक संरचनाले नेपालगञ्जको धार्मिक पहिचान, पर्यटन प्रवर्द्धन तथा स्थानीय आर्थिक गतिविधिमा थप योगदान पुर्‍याउने अपेक्षा गरिएको छ। हनुमानगढीमा भव्य मूर्ति निर्माण सम्पन्न भएपछि नेपालगञ्ज धार्मिक पर्यटनको […]

  घोराही उपमहानगरपालिका वडा नम्बर १८ मा अवस्थित घोरदौरा पछिल्लो समय आन्तरिक पर्यटकको आकर्षक गन्तव्यका रूपमा विकास हुँदै गएको छ। घोराही बजारदेखि करिब छ किलोमिटर उत्तरमा पर्ने पहाडी क्षेत्रमा अवस्थित घोरदौरा प्राकृतिक सौन्दर्य, शान्त वातावरण र रमणीय दृश्यका कारण पर्यटकीय केन्द्र बन्ने प्रचुर सम्भावना बोकेको ठाउँ हो। पहाडी भूगोल, स्वच्छ वातावरण र प्राकृतिक सुन्दरताले भरिपूर्ण […]

  बाँके । नेपालगञ्ज उपमहानगरपालिकाका विभिन्न भलाद्मी मान्यजनहरूसँग राष्ट्रिय जनमत पार्टी बुलडोजर छाप नेपालगन्जका नेता इरफान अहमद शेषद्वारा छलफल तथा अन्तरक्रिया कार्यक्रम नेपालगञ्ज उपमहानगरपालिका-८ मा सम्पन्न गरेको छ। कार्यक्रममा सहभागी प्रायः सबै सहभागीहरूले आउने स्थानीय सरकारको निर्वाचनमा बुलडोजर छापलाई सघाउने प्रतिबद्धता जनाएका छन्। नेता इरफान अहमद शेष नेपालगन्ज *राष्ट्रिय जनमत पार्टी जिन्दावाद । *बुलडोजर छाप […]