०४ बैशाख २०८१, मंगलबार
16-04-2024 , Tue
×

नेपाल प्रहरीका ५ जिल्लाका एसपीहरुको सरुवा तयारी

Logo
प्रकाशित मंगलबार, बैशाख ३०, २०७७

(एबिसी क्राईम ब्युरो)
काठमाडौं प्रहरी प्रधान कार्यालयले पाँच जिल्लाका एसपीको सरुवा गर्ने तयारी गरेको छ। मोरङका एसपी विश्व अधिकारीको १ बर्ष अवधि पुगिसकेको छ ।
सिरहाका उमाप्रसाद चतुर्वेदी, कास्कीका दानवहादुर कार्की, कपिलबस्तुका दीपशमशेर राणा तथा बाँकेका एसपी वीरवहादुर ओलीको पनि एक बर्ष पुग्न लागेको हुँदा ती जिल्लाहरुमा एसपीको सरुवा गरिन लागिएको गृह स्रोतको भनाइ छ। ओलीको कार्यसम्पादन राम्रो नभए पनि उनी पूर्व गृहमन्त्री जनार्दन शर्माको दबाबमा थमौती हुँदै आएका छन्।
मोरङको एसपीमा सरुवा हुनका लागि अख्तियार दुरुपयोग अनुसन्धान आयोगमा कार्यरत प्रवीण पोखरेल लागिरहेका छन् । उनी अख्तियारका प्रमुख आयुक्त नवीन घिमिरेमार्फत भनसुन गरेर भए पनि मोरङ सरुवा हुने दाउमा छन् ।
खराब व्यक्तिसँग संगत रहेको र झटो उजुरी गरेर प्रहरीलाई नै फसाउने आरोप लागेका पोखरेललाई प्रहरी प्रधान कार्यालयले नरुचाए पनि अख्तियार प्रमुख घिमिरेको दबाबमा गृह सचिव महेश्वर न्यौपानेले मोरङ पठाउन लागेको स्रोतको दाबी छ।
लोकमानसिंह कार्की प्रमुख आयुक्त हुँदा उनले आफ्नो चाकरी चाप्लुसी गर्ने प्रहरी अधिकृतलाई आकर्षक ठाउँमा सरुवा गर्न दबाब दिने गरेका थिए ।
आकर्षक ठाउँ पाउनका लागि अख्तियारमा सरुवा हुने र कार्कीको चाकरी गर्ने होडबाजी नै चल्ने गरेको थियो । अहिले अख्तियारको हस्तक्षेप प्रहरीमा छ । यसअघि अख्तियार प्रमुख घिमिरेको दबाबमा हेम थापालाई रुपन्देही पठाइएको थियो।
प्रहरीका एक अधिकारीका अनुसार ‘छोरा र भान्जा’ समुहलाई खुशी बनाए मात्र सरुवा हुने हुँदा अहिले चलखेल प्रहरी प्रधान कार्यालयमा नभइ गृह मन्त्रालयमा बढेको छ।
ती जिल्लाहरुमा एसपीहरु भुपेन्द्र खत्री, सन्तोष खड्का, प्रवीण पोखरेल,ओम राना, नवराज अधिकारी,प्रकाश रानाभाट लगायतको सरुवा हुने सँभावना छ । इन्चार्जबाट इन्चार्ज हुन केही एसपी दैनिकजसो गृहमा धाउने गरेका छन् अनलाईन नेपालबाट

कमेन्ट गर्नुहोस्
सम्बन्धित

      (धर्मेन्द्र कुमार कुर्मी ) कपिलवस्तुकाे विजयनगर गाउँपालिकामा जग्गा दाताहरुलाई शिला लेखसहित सम्मान गरिएको छ । गाउँपालिकाकाे ७ नम्बर वडा कार्यालय गणेशपुरले जग्गा दाताहरुलाई शिला लेखसहित सम्मान-पत्रले सम्मान गरेकाे छ । गाउँपालिका अध्यक्ष गाेपाल बहादुर थापाले बिहिबार एक कार्यक्रमबीच जग्गा दाताहरुलाई सम्मान-पत्रले सम्मान गरेका हुन् । यसैबीच वडाकाे डिजिटल बाेर्ड र नवनिर्मित वडा […]

(एबिसि संचार )                                                                सिन्धुलीको कमलामाई नगरपालिका–४ स्थित एनसेल टावरमा बम विष्फोट भएको छ । गएराति १ बजेतिर टावरमा प्रेशर कुकर बम विष्फोट भएको जिल्ला […]

(एबिसि संचार ) पोखरा महानागरपलिकाकी सबइन्जिनियरसहित दुई जना जनासेवाग्रहीसँग घुस लिँदालिँदै रंगेहात पक्राउ परेका छन् । पोखरा महानगरपालिकाको नक्सा शाखामा कार्यरत सबइन्जिनियर उषा किरण रोकाया र गोदार कन्सल्टेन्सीमा कार्यरत सुरज कुँवरलाई सेवाग्रहीसँग घुस लिएको आरोपमा अख्तियार दुरुपयोग अनुसन्धान आयोगको गण्डकी प्रदेश कार्यालय पोखराबाट खटिएको टोलीले घुस रकमसहित पक्राउ गरेको हो । उनीहरुको साथबाट डेढ लाख […]