प्रकशित मिति : १ जेष्ठ २०७७, बिहीबार ०८:२३

(महेन्द्र सिंह)
बाँकेको कोहलपुरबाट सुत्केरी बोकेर राप्तीसोनारी गाउँपालिका तर्फ जाँदै गरेको एम्बुलेन्स दुर्घटनामा परेको छ । एम्बुलेन्समा बुधबार नेपालगन्ज मेडिकल कलेज शिक्षण अस्पताल कोहलपुरबाट ४ दिने सुत्केरी बोकेर राप्तीसोनारीतर्फ जाँदै गरेको थियो ।
एम्बुलेन्समा ४ दिने सुत्केरी, बच्चा र अन्य ४ जना बोकेको एम्बुलेन्स कोहलपुर नगरपालिका १२ रोहीणी खोलाको पुलबाट तल खसेको ईलाका प्रहरी कार्यालय कोहलपुरले जनाएको छ । दुर्घटनामा बच्चा र आमालाई कुनै चोट नलागेपनि अन्य ४ जना घाईते भएका छन ।
घाईते हुनेहरुमा सुत्केरी महिलाका श्रीमान राप्तीसोनारी गाँउपालिका १ का बिनोद परियार, सासु सिता दमाई, एम्बुलेन्स चालक राप्तीसोनारी गाँउपालिका वडा नं. ४ का गोपाल बुढा र सोही ठाउँका मिनराज खड्का रहेका छन ।
घाइते मध्ये सिता दमाईको टाउको र खुट्टामा चोट लागेको भएपनि अन्यको अवस्था सामान्य रहेको प्रहरीले जनाएको छ । घाईते सबैको शिक्षण अस्पताल कोहलपुरमा उपचार भईरहेको कोहलपुर प्रहरी प्रमुख डिएसपी कुल दिप चंन्दले जानकारी दिनुभएको छ ।


सम्बन्धित

दर्ता विवरण

सूचना विभाग दर्ता नंः १३२५/०७५/७६

Twitter

Contact

सम्पादक – नुकेन्द्र प्रताप सिंह-
सम्पर्क-9848262615
संचालक – सागर थापा
सम्पर्क – 9847845918
email- [email protected]

Copyright © 2015-2021 AbcSanchar.com