प्रकशित मिति : १ जेष्ठ २०७७, बिहीबार ०८:४०

काठमाडौं कोभिड-१९ को सङ्क्रमण आज २४ जनामा देखिएको छ। स्वास्थ्य तथा जनसङ्ख्या मन्त्रालयका अनुसार राष्ट्रिय जनस्वास्थ्य प्रयोगशाला टेकु र प्रादेशिक जनस्वास्थ्य प्रयोगशाला रुपन्देहीमा गरिएको परीक्षणमा नयाँ २४ जनामा सङ्क्रमण देखिएको हो। योसँगै देशभर सङ्क्रमितको सङ्ख्या २४३ पुगेको छ। यसअघि आज दिउँसोमात्र बाँके र कपिलवस्तुमा दुई जना सङ्क्रमण देखिएको थियो। आज भेटिएकामा रुपन्देहीका १२, कपिलवस्तुका आठ, पर्साका तीन र नवलपरासीका एक जना रहेका छन्। नयाँ सङ्क्रमितमा २० जना पुरुष र चार जना महिला रहेका छन्। कपिलवस्तुमा नयाँ थपिएका ८ संक्रमित मध्ये ३ जना सुरक्षाकर्मी रहेको पुष्टी भएको छ । कृष्णनगरमा लिंक गेट र बजार क्षेत्रको डियुटीमा खटिएका ३ सुरक्षाकर्मीमा कोरोना भएको हो। प्रहरी स्रोतका अनुसार राष्ट्रिय अनुसन्धानका असई तथा नेपाल प्रहरी र सशस्त्र प्रहरीका सई गरी ३ जनालाई कोरोना देखिएको हो।


सम्बन्धित

दर्ता विवरण

सूचना विभाग दर्ता नंः १३२५/०७५/७६

Twitter

Contact

सम्पादक – नुकेन्द्र प्रताप सिंह-
सम्पर्क-9848262615
संचालक – सागर थापा
सम्पर्क – 9847845918
email- [email protected]

Copyright © 2015-2021 AbcSanchar.com