काठमाडौं दुई प्रहरी कर्मचारीमा कोरोना भाइरस (कोभिड–१९) संक्रमण पुष्टि भएपछि महानगरीय प्रहरी वृत्त कालिमाटीसहित नेपाल प्रहरीका तीन कार्यालय शिल गरिएको छ ।
वृत्तमा कार्यरत एक नायब निरीक्षक (सई) र एक जवानमा मंगलबार कोरोना पुष्टि भएको थियो । दुई प्रहरी कर्मचारीमा कोरोना भाइरसको संक्रमण पुष्टि भएसंगै कालीमाटी बृतको कम्पाउण्ड भित्र रहेका महानगरीय ट्राफिक प्रहरी प्रभाग कालीमाटी र महिला तथा बालबालिका सेवाकेन्द्र समेत शिल गरिएको प्रहरीले जनाएको छ ।
वृत्तमा मात्रै करिब ९० प्रहरी कर्मचारी कार्यरत छन्। ती सबैको पिसिआर विधिबाट कोरोना परीक्षण गर्ने तयारी गरिएको छ ।
