०९ जेठ २०८१, बुधबार
22-05-2024 , Wed
×

बाँकेको नरैनापुरमा सेना परिचालन राति ८ बजेदेखि निषेधाज्ञा जारी

Logo
प्रकाशित सोमबार, जेठ १२, २०७७

(महेन्द्र सिंह)
बाँकेको नरैनापुर गाउँपालिकामा आज रातिदेखि निषेधाज्ञा जारी गरिने भएको छ । नरैनापुर चारै नाका सिल,लकडाउन कडाईले पनि असम्भव भएपछि नरैनापुर क्षेत्रलाई आज राति ८ बजेदेखि निषेधाज्ञा जारी गरिने जिल्ला प्रशासन कार्यालय बाँकेले जनाएको छ ।
संक्रमित व्यक्तिलाई आइसोलेसनमा ल्याउन खोज्दा संक्रमित र स्थानीयले विरोध प्रदर्शन गरेर समुदायमा पनि कोरोना फैलिने खतरा रहेकाले सेना परिचालन गरी सुरक्षा व्यवस्था मजबुत बनाइएको हो।
जिल्ला सुरक्षा समितिको बैठकले आइतबार राति ८ बजेदेखि लागू हुने गरी नरैनापुर गाउँपालिकाको सम्पूर्ण क्षेत्रलाई निषेधित क्षेत्र घोषणा गर्ने, नेपाली सेनासमेत परिचालन गर्ने, डाक्टर, स्वास्थ्यकर्मीको टोली खटाउने निर्णय भएको समितिका अध्यक्ष तथा बाँकेका प्रमुख जिल्ला अधिकारी कुमारबहादुर खड्काले जानकारी दिए।
सुरक्षा समितिले सुरुमा कोरोना संक्रमित देखिएका क्वारेन्टाइनलाई सिल गरिएको थियो भने संक्रमितको संख्या बढ्दै जाँदा गाउँपालिकालाई नै सिल गरिएको थियो। उनले भने, ‘पहिले क्वारेन्टाइन सिल गर्यौं, पुगेन। त्यसपछि गाउँपालिका पूरै सिल गरेका थियौं। सिलले मात्र भएन। त्यसैले निषेधाज्ञा नै घोषणा गरेका हौं। सेना परिचालन गरेका हौं।’
यसलाई निरन्तरता दिइने र अर्को सूचना लागू नहुन्जेलसम्म निषेधाज्ञा जारी रहने प्रजिअ खड्काले जानकारी गराए। नरैनापुरतर्फ सेनाको टोली हिडिसकेको र राति ८ बजेदेखि निरन्तर सुरक्षामा खटिने उनले जानकारी दिए ।
स्थानीयहरुले बारम्बार दुःख दिने र सम्झाउदा पनि नमान्ने झन उल्टै प्रहरीमाथि जाइलाग्ने भएपछि सेना परिचालन गर्न बाध्य भएको प्रजिअ खड्काले जानकारी दिएका छन ।
नरैनापुर गाउँपालिकामा मात्र १ सय १४ जना कोरोना संक्रमित छन् । जसमा एक जनाको मृत्यु भइसकेको छ । गाउँपालिकाको ५ नम्बर वडाका मात्र ६२ जना संक्रमित छन् ।

कमेन्ट गर्नुहोस्
सम्बन्धित

(ABC-Sanchar) पोखरा । मुस्ताङ तेह्र किलोमिटर लामो जोमसोम–कागबेनी सडक ११ मिटर फराकिलो बनाएर आक्सपाल्ट प्रविधिको कालोपत्र गर्न थालिएको हो। राष्ट्रिय गौरवको कालीगण्डकी कोरीडोर बेनी–जोमसोम–कोरला सडक आयोजनाअन्तर्गत् जोमसोम–कागबेनी खण्डमा कालोपत्र गर्न २०७८ असोज ४ गते रौताह–आत्रेय जेभीले २८ करोड १४ लाख रुपैयाँमा ठेक्का सम्झौता गरेको थियो। ठेकेदार कम्पन्नीका रौताहका आयोजना व्यवस्थापक सञ्जय भट्टले एक्लेभट्टी क्षेत्रमा दुई […]

(ABC-Sanchar) काठमाडौं । स्थानीय अधिकारी र सञ्चारमाध्यमले मङ्गलबार बताएका छन् । प्लेटो राज्यका सूचना आयुक्त मुसा इब्राहिम असोम्सले राज्यको राजधानीमा पत्रकारलाई भन्नुभयो, “मोटरसाइकलमा सवार दर्जनौँ बन्दुकधारीले सोमबार राति स्थानीय सरकार क्षेत्रको जुराक गाउँमा विनाशकारी आक्रमण गर्दा करिब ४० जनाको ज्यान गएको छ ।” बन्दुकधारीहरूले त्यहाँका बासिन्दामाथि अन्धाधुन्ध गोली चलाउँदा अरू धेरै घाइते भएका छन् । […]

(ABC-Sanchar) काठमाडौँ । अहिले नेपालमा स्थानीय वायु, पश्चिमी वायु र विहार आसपास रहेको न्युनचापीय प्रणालीको आंशिक प्रभाव रहेको छ । जसको प्रभावले देशका पहाडी भूभागमा आंशिक देखि साधरणतया बदली रही बाँकी भूभागमा मौसम मुख्यतया सफा रहेको छ । आज दिउँसो कोशी प्रदेश लगायत देशका पहाडी भूभागमा आंशिकदेखि साधरणतया बदली रही बाँकी भूभागमा मौसम मुख्यतया सफा […]