सागर थापा /महेन्द्र सिंह
बाँके जेठ १२ स्याङ्जा जिल्लामा कार्यरत प्रमुख जिल्ला अधिकारी बिकास प्रेमी सिडिओ रामबहादुर कुरुम्बाङ्गको बाँके जिल्ला प्रशासन कार्यालयमा सरुवा भएको छ ।
कुरुम्बाङ्गले आज आफ्नो फेसबुक मार्फत यो कुराको जानकारी दिएका छन । उनले लेखेका छन, ‘गृह मन्त्रालयले मलाई बाके जिल्लाको प्रजिअमा खटाएको छ ।। म स्याङ्जाबासी प्रती कृतज्ञ छु ।।’
दुई बर्ष अघि कुरुम्बाङ्ग बर्दियामा कार्यरत रहदा ‘इन्टिग्रेटी आइडल २०१८’ मा प्रथम समेत बनेका थिए । निजामती कर्मचारीहरुलाई प्रदान गरिने सम्मानका लागि छनौट भएका उनि पाँचजना प्रतिष्पर्धीलाई उछिन्दै प्रथम स्थान हासिल गर्न सफल भएका थिए ।
२०५५ सालबाट निजामती सेवामा रहेर प्रमुख जिल्ला अधिकारीको रुपमा विभिन्न जिल्लामा रहेर काम गरिसकेका कुरुम्वाङ नागरिकको घरदैलोमा सरकारी सेवा प्रदान, निडर र नागरिकप्रति जवाफदेही, भ्रष्टचारबिरोधी, जनप्रिय प्रशासक भनि चिनिदै आएका छन ।
