सागर थापा/महेन्द्र सिंह हालै आत्महत्याको प्रयासबाट बचाइएकी बाँके कोहलपुर निवासी एक महिला र उनको परिवारलाई त्यहाँका स्थानीय दुई युवा व्यवसायीहरुले सहयोग गरेका छन् ।बाकेको कोहलपुर नगरपालिका वडा नम्बर १२ अन्तरगत निबुअामा बस्दै आएकी जितमाया बोहरालाई स्थानीय युवा व्यवसायी माइकल सापकोटा र राकेश बिष्टले सहयोग गरेका हुन् । उनको साथमा एउटा दसवर्ष र अर्को ६ वर्षको गरि दुई सन्तानहरु पनि रहेका छन् । उनलाई हाल ५० किलो चामल, ४ लिटर खानेतेल, ५ किलो दाल र नून लगायतका खाद्य सामग्रीहरु सहयोग गरिएको स्थानीय भिमबहादुर थापाले जानकारी गराएका छन् । पहाड घर सल्यान जिल्ला साविकको काभ्रेचौर गाविस घुइयाबारी भएकी ती महिला विगत केही वर्षदेखि कोहलपुर १२ मा सपरिवार बस्दै आएको बताइएको छ । उनका श्रीमान केही वर्षदेखि वैदेशिक रोजगारीका क्रममा आउने जाने गरे तापनि आफ्नो परिवारलाई कुनै मतलव राख्दैनन भन्नेकुरा स्थानीयहरु बताउँछन् । अाम्दानीकाे कुनै श्राेत नभएको र आफू र आफ्नो परिवारको लालनपालन गर्नुपर्ने ठूलो बाेझ थियोे ती बाेहराकाे थाप्लोमा । यस्तै समस्याबाट अाजित भएर उनलेे अाफ्ना दुई छाेरा सहित अात्महत्याकाे प्रयास गरेकी थिइन् उनलेे । तर गाउँलेहरुको सहयोगबाट उनीहरू बाचेका हुन् । तत्पश्चात कोहलपुरका युवा व्यवसायीहरु माइकल सापकोटा र राकेश बिष्टले उनलाई साे सहयोग गरेको र फेरि पनि सहयोग गर्ने प्रतिबध्दता जाहेर गरेका छन् । याे त एउटा उदाहरण मात्र हो । जारी लक डाउनकाे अवधिभर सापकोटाले यस्ता थुप्रैपटक समाजसेवाका कार्यहरु गर्दै अाएको कुरा स्थानीयहरुले बताएका छन् ।

सम्बन्धित

राप्ति गाउपालिका वडा ९ को अध्यक्षको बारिबाट अवैध ९४ वटा घप्पु पक्राउ

काठमाडौं बसपार्कबाट तोकिएको भन्दा बढी भाडा लिने १६ जना पक्राउ

गृहसचिव सिंहबाट सशस्त्र प्रहरी प्रधान कार्यालयको निरीक्षण एवं कर्मचारीहरुलाई निर्देशन

आईजिपी धिरज प्रताप सिंह प्रहरीको मनोबल उच्च बनाउने र छवि चम्काउने अभियानमा

आईजीपी सिंहको निर्देशन सबै प्रहरीलाई कानूनी राज्यको प्रत्याभूति हुनेगरी काम गर्नू

रुपन्देहीमा चार्डपर्व लक्षित १२ सय ४८ जना प्रहरीहरु परिचालन हुने