एबिसी संचार
वीरगन्ज पर्साको ठोरीमा नेपाली भूमिमै प्रवेश गरी भारतीय सुरक्षाकर्मीले सडक भत्काएका छन् ।
पर्साको ठोरी गाउँपालिकाको वडा २ र ३ जोड्ने ठुटे खोलाको पुल सञ्चालन गर्न तीन दिन अगाडिमात्र कुलो पुरेर बनाइएको सडक भारतीय सुरक्षाकर्मीले बिहीबार साँझ भत्काएका हुन् ।
भारतीय सीमा सुरक्षा बल, बिहार सहोदर थानाका प्रहरी र सीमावर्ती भारतीय नागरिकले सडक भत्काइरहेको थाहा पाएपछि ठोरीवासी भेला भएर विरोध गरेका थिए ।
केही समयको भनाभनपछि भारतीय प्रहरी र नागरिक फर्केका थिए । भत्किएको सडकमा नेपाली पक्षले पुन माटो पुरेका छन् ।
भारतीयको अवरोधकै कारण पुल निर्माण सम्पन्न भएको २ वर्ष बित्दा पनि प्रयोगमा आउन सकेको छैन । शुक्रबार बिहान वडा एक, दुई र तीनका जनप्रतिनिधि र स्थानीयको भेलाले प्रजिअलाई स्थलगत भ्रमण गरेर समस्याको सामाधान निकालिदिन आग्रह गरेको छ ।
यस सम्बन्धमा पर्साका सहायक प्रमुख जिल्ला अधिकारी ललितकुमार बस्नेतले ठोरीको ठुटे खोला पुल सञ्चालनको विषयमा दुबै पक्षबीच छलफल भइरहेको बताए ।

सम्बन्धित

डिआइजी रञ्जितकारको नाममा ६ लाख घुस मागिएको अडियो सार्वजनिक

पर्सा प्रहरीले १२० वटा सिरप लागूऔषध सहित ४ जना पक्राउ

भोलेन्टियर समुह वीरगंजद्वारा सामाजिक सेवा दिवसमा अभियन्ताहरूलाई सम्मान

नेपाल प्रहरीका ५०३ जना असईको पदस्थापन, को- कहाँ जादै ?

दाङको तुलसीपुरबाट लागुऔषध सहित मेडिकल संचालिकालाई पक्राउ

गाडीको ठक्करबाट पोथी चितुवाको मृत्यु