लकडाउन खुकुलो पार्ने सरकारको तयारी मन्त्रिपरिषद बैठक ५ बजे बस्दै

प्रकशित मिति : १७ जेष्ठ २०७७, शनिबार १५:४१

एबिसी संचार काठमाडौं समसामयिक बिषयमा छलफल गर्न मन्त्रिपरिषद्को बैठक बस्दै छ। प्रधानमन्त्रीका प्रेस सल्लाहाकार सूर्य थापाका अनुसार प्रधानमन्त्रीको सरकारी निवास बालुवाटारमा साँझ ५ बजे मन्त्रिपरिषद् बैठक बोलाइएको छ। क्याबिनेट बैठक अघि दिउसो ४ बजे सुरक्षा परिषद्को बैठक बोलाइएका छ। बैठकमा सरकारद्वारा गठिन उच्चस्तरीय समितिको बैठकको निर्णय पेस गर्ने तयारी छ। उक्त समितिको शुक्रबारको बैठकले विदेशमा अलपत्र परेका कामदारको उद्धार गर्ने निर्णय गरेको छ। मन्त्रिपरिषद्को आजको जारी लकडाउनको मोडालिटी परिवर्तन गर्ने बिषयमा छलफल हुने बताइएको छ। सरकारले पछिल्लो समय जारी गरेको लकडाउनको मिति यहि २० गते सकिँदै छ। मापदण्ड जारी गर्दै लकडाउन खुकुलो पार्नुपर्ने आवाज चौतर्फी उठ्दै गएको छ।