महेन्द्र सिंह
बाँके जिल्ला सरुवा भइ आएको भोली पल्टै बाँकेको नरैनापुर क्षेत्र जहाँ कोरोना रोगको इपि सेन्टरको रुपमा परिचित स्थानमा पुगी नरैनापुर बासीलाई ढाडस दिएका प्रमुख जिल्ला अधिकारी राम बहादुर कुरुम्बाङ शुक्रवार बाँकेको कोहलपुर र राप्तीसोनारी गाँउपालिकाको बजार तथा क्वारेन्टाइनहरुको स्थलगत निरिक्षणमा निस्केका छन् ।
स्थलगत निरिक्षणको क्रममा कोहलपुर आइपुगेका प्रमुख जिल्ला अधिकारी कुरुम्बाङले नागरिकहरुको सुरक्षानै हाम्रो रक्षा हो । आफ्नो प्रमुख वर्तमान कार्य हाल महामारीको रुपमा फैलिएको कोरोना रोगथामको रहेको बताउदै रोग नियन्नत्रणका लागि सबै समयन्त्र प्रयोग गर्ने बताए । कोहलपुर उद्योग वाणिज्य संघका पदाधिकारी हरुको भेटमा प्रमुख जिल्ला अधिकारी कुरुम्बाङले भने सबै किसिमका तस्करी निर्मूल पार्ने बताउदै खाद्य मिसावट ,कालाबजारी ,गाईगोरु तस्कर ,कुखुरा तथा माछा लगायतका अवैद्य कार्य पूर्ण रुपमा रोक्ने प्रतिवद्धता जनाए । भेटघाटका क्रममा कोहलपुर उद्योग वाणिज्य संघका अध्यक्ष चक्र बहादुर अधिकारीले बाँके जिल्लाका सर्वपक्ष विषयहरुमा कोहलपुरलाई भेदभाव नर्गन आग्रह गरेका थिए । सो अवसरमा नेपाल उद्योग वाणिज्य महासंघ ५ नंं प्रदेश सदस्य नरेन्द्र शर्मा , संघका वरिष्ठ उपाध्यक्ष नमप्रसाद शर्मा र महासचिव तेज प्रसाद अधिकारीले आफ्नो भनाई राखेका थिए ।
