नेपालमा फ़ेरि १८९ जना थपिए कोरोना संक्रमित

प्रकशित मिति : १७ जेष्ठ २०७७, शनिबार १७:०१

एबिसी संचार काठमाडौं नेपालमा शनिवार कोरोना भाइरसका थप १८९ जना बिरामी थपिएका छन्। स्वास्थ्य तथा जनसंख्या मन्त्रालयका प्रवक्ता विकास देवकोटाले नियमित पत्रकार सम्मेलन मार्फत नयाँ संक्रमित थपिएको पुष्टि गरेका छन्। कपिलवस्तुमा आज सबैभन्दा धेरै सङख्यामा संक्रमित थपिएका छन्। एकै दिन ७७ जनाका कपिवस्तुमा कोरोना पोजेटिभ देखिएको हो। त्यस्तै बारा, सप्तरी, लगायत जिल्लामा संक्रमित थपिएका छन्। एक जना ललितपुरमा पनि संक्रमित भेटिएका छन्। यो सँगैदेशभर कोरोना संक्रमित हुनेको कुल संख्या १४०१ पुगेको छ। आज थप १३ जना कोरोना संक्रमित निको भएर घर फर्केका छन्। अहिलेसम्म २१९ जना डिस्चार्ज भएका छन्। शनिवार एकै दिन हालसम्मकै सबैभन्दा बढी सङ्क्रमण पुष्टि भएको हो। यसअघि शुक्रवार एकै दिन १७० जनामा नयाँ सङ्क्रमण पुष्टि भएको थियो। मन्त्रालयको तथ्याङ्कअनुसार अहिले देशभरि १ लाख १० हजार ७८ जना व्यक्ति क्वारन्टीन र ११७६ जना आइसोलेशनमा छन्।

प्रकशित मिति : १७ जेष्ठ २०७७, शनिबार १७:०१