प्रकशित मिति : १७ जेष्ठ २०७७, शनिबार २०:३३

एबिसी संचार
दाङ तुलसीपुरबाट उपचारको लागि आएका एक जना बिरामीलाई दाङको घोराहीस्थित बुद्ध अन्तर्राष्ट्रिय अस्पतालले उपचार गर्न नमानेको गुनासो आएको छ । तुलसीपुर निवासी बिरामी अम्मर नेपालीलाई अस्पतालले बाहनाबाजी गरेर उपचार नगरेको हो ।
तुलसीपुरको पाल्पा क्लिनिकले नेपालीको सामान्य उपचारपछि बुद्ध अस्पतालमा रिफर गरेपनि अस्पतालले उल्टै उपचार नगर्दा दुःख पाएको बिरामीका आफन्त सुदा नेपालीले बताइन् ।
सुरुमा भित्र बिरामी लगेको र ज्वरोको बिरामी भनेपछि अस्पतालले बिरामी राख्न नमानेको बताइन् । कोरोनाको बिरामी भनेपछि बुद्ध अस्पतालले राख्ने नगरेको सुदाको आरोप छ ।
रिफर गरेको अस्पतालमा उपचार गराउन आउँदा आफूलाई अस्पतालले ज्वरो आएको भन्दै अस्पतालको भित्रबाट निकालेर गेट बन्द गरेको नेपालीले गुनासो पोखे ।
यस विषयमा बुद्ध अस्पतालका सञ्चालक तथा चिकित्सक डा. रमेश बस्नेतले बिरामी बुद्ध अस्पतालमा आएको र पिसिआर टेस्ट गर्न प्रतिष्ठानमा बिरामी पठाइएको बताए ।
बुद्ध अस्पतालले बिरामी नराखेर राप्ती स्वास्थ्य बिज्ञान प्रतिष्ठानमा पठाएको छ । प्रतिष्ठानले बिरामी राखेर भर्ना गरेको छ । जन्डिसको समेत बिरामी भएकाले उनको उपचार भइरहेको प्रतिष्ठानले जनाएको छ। सभार रातोपाटीबाट


सम्बन्धित

दर्ता विवरण

सूचना विभाग दर्ता नंः १३२५/०७५/७६

Twitter

Contact

सम्पादक – नुकेन्द्र प्रताप सिंह-
सम्पर्क-9848262615
संचालक – सागर थापा
सम्पर्क – 9847845918
email- [email protected]

Copyright © 2015-2021 AbcSanchar.com