१६ चैत्र २०८०, शुक्रबार
29-03-2024 , Fri
×

रौतहटमा प्रहरीमाथि हातपात ४ जना घाइते हतियार समेत खोसियो

Logo
प्रकाशित आइतबार, जेठ १८, २०७७

एबिसी संचार
काठमाडौं रौतहटको मौलापुर नगरपालिकामा सुरक्षामा खटिएको प्रहरीमाथि आक्रमण भएको छ । आक्रमणबाट इलाका प्रहरी कार्यालय मौलापुरका ४ जना प्रहरी घाइते भएका छन् । जिल्लाको मौलापुर नगरपालिका वडा नम्बर १, मर्यादपुरमा राहत वितरणमा अवरोध गर्दै आएका वडाध्यक्ष रामप्रवेश यादवकाे समूहले राहत वितरणमा सहयोग गरेको भन्दै वड़ा सदस्यलाई कूटपिट गर्दै प्रहरीमाथि समेत आक्रमण गरी घाइते बनाएका हुन् । राहत वितरणमा सहयोग गरेको भन्दै वड़ा सदस्यलाई कूटपिट गर्दै प्रहरीमाथि कुटपिट गरी घाइते बनाइएको हो । पहिलो चरणको राहत जसोतसो वितरण गरेको नगरपालिकाले दोस्रो चरणमा पनि अवरोध सृजना भएपछि प्रहरीको सहयोगमा राहत बाँडेको हो ।
नगरपालिकाले दोस्रो चरणको राहत वितरण गर्दै गर्दा वडाध्यक्ष रामप्रवेश यादवले अवरोध पुर्याएका थिए । तर त्यस काममा पनि बल प्रयोग गरेर वडाध्यक्षले आफ्ना कार्यकर्ता लगाएर प्रहरीमाथि हातपात गरे’ प्रत्यक्षदर्शीको भनाई छ ।, ‘आक्रमण गर्नेहरुले प्रहरीको पोशाक समेत च्यातिदिए भने हतियारसमेत खोसेका छन् । पछि थप प्रहरी आएपछी मात्र उनीहरूले छोडेका हुन् ।’ हिजो बेलुकै यस्तो घटना भए पनि मौलापुर प्रहरीले यसलाई गोप्य रुपमै मिलाउँन खोज्दै घटना सार्वजनिक गरेको छैन् जनता समाचारबाट

कमेन्ट गर्नुहोस्
सम्बन्धित

(एबिसि संचार ) होली खेलेर सुनकोशीमा नुहाउने क्रममा तीन दिनअघि बेपत्ता भएका त्रियुगा नगरपालिका–१४ साउनेकी रेखा मगरको शव बुधबार बिहान फेला परेको छ । जिल्ला प्रहरी कार्यालय उदयपुरका अनुसार आज बिहान साउनेको धाप्लाङदेखि ६ किलोमिटर तल सूर्यढुङ्गा भन्ने स्थानमा १२ वर्षीया रेखा मगरको शव फेला परेको प्रहरीले जनाएको छ ।

(एबिसि संचार ) कैलालीको धनगढीबाट लागूऔषधसहित एक जना पक्राउ परेका छन्। जिल्लाको गोदावरी नगरपालिका–१० का २२ वर्षीय तेजबहादुर बोहरा लागुऔषधसहित पक्राउ परेका हुन्। धनगढी उपमहानगरपालिका–३ बाट उनी ५० मिलिग्राम ब्राउनसुगर र ९६ क्याप्सुल प्रिगाबा र १० क्याप्सुल एभिनसहित पक्राउ परेका छन्। 

(एबिसि संचार ) कञ्चनपुरमा डिभिजन वन कार्यालयभित्रै चितुवाले एक जनालाई आक्रमण गरेको छ। डिभिजन वन कार्यालय महेन्द्रनगरमा सशस्त्र वन रक्षकतर्फ जमदार पदमा कार्यरत अर्जुनसिंह थापालाई चितुवाले आक्रमण गरेको हो। डिभिजिन वन कार्यालयका प्रमुख भीम कडेलले चितुवालाई बेहोस बनाएर खोरमा हाल्ने क्रममा थापामाथि आक्रमण गरेको बताए। बेहोस भइसकेको ठानेर खोरमा लैजान खोज्दा चितुवा थापामाथि झम्टिएको थियो।