एबिसी संचार काठमाडौं सरकारले लकडाउनको मोडालिटी फर्ने तयारी गरेको छ। लकडाउनलाई लिएर चोतर्फी आलोचना भएपछि नयाँ मोडालिटी तयार पारिएको छ। कम जोखिम भएका क्षेत्रमा सावधानी अपनाएर कामधन्दा सुचारु गर्ने गरी लकडाउनको नयाँ मोडालिटी तयार पारिएको बताइएको छ। उक्त मोडालिटीबारे छलफल गर्न अहिले कोभिड रोकथाम तथा नियन्त्रण उच्चस्तरीय समन्वय समितिको बैठक बस्दैछ। लकडाउनको स्वरूपलाई के कसरी परिवर्तन गर्न सकिन्छ भन्ने विषयमा आजको बैठकमा छलफल हुने छ। कोरोना रोकथाम र नियन्त्रणमा भइरहेको प्रयास र क्वारेन्टाइन व्यवस्थापनमा देखिएको समस्या लगायतका बारे पनि समितिमा छलफल हुने बताइएको छ। नयाँ खाका समितिबाट पारित भए मन्त्रिपरिषद् बैठकबाट अनुमोदन हुने छ।
